1 Bakalenga 18:42 - Mukanda wa Nzambi Dihungila Dikulukulu ne Dihungila Dihia-dihia 2003

⁴² Nunku Ahaba wakaya bua kudia ne kunua. Eliya wakabanda ha mutu ha Kâmele; wakinama hanshi, wakateka mpala wandi hankatshi ha binu biandi.

MUKANDA WA MYIDI MUKULU

⁴² Akabe kuya, kudia, kunua. Muambi Eliya kuya ku lusongu lua mukuna wa Karmele. Kuinamayemu panshi bikole, mutue mpala pankatshi pa binu biende.

1 Bakalenga 18:42 교차 참조

Genese 24:52

Hakunvua muhika wa Abalahama mei abo, yeye wakakukuila mpala wandi hanshi ku mpala kua Yehowa.

2 Samuele 12:16

Nunku Davidi wakalombela muana eu Nzambi. Davidi wakajila bia kudia, wakabuela mu nsubu, wakalala hanshi ha buloba butuku bujima.

1 Bakalenga 18:41

Eliya wakambila Ahaba ne, Juka biebe, udie, unue; bualu bua tshiona tshia nvula ya bungi tshidiku.

1 Bakalenga 18:43

Wakambila muntu wandi ne, Ya, utangile ku luseke lua ku mai manene. Wakaya, wakatangila, wakamba ne, Kakuena tshintu. Yeye wakamba ne, Ya kabidi misangu muanda mutekete.

1 Bakalenga 19:13

Hakunvua Eliya dî adi, wakavunga tshikowelu tshiandi ku mpala kuandi, wakaluhuka, wakimana ku mushiku wa nyongolo. Dî diakalua kudiye, diakamukonka ne, Eliya, udi wenza tshinyi kunoko?

Ezela 9:6

nakamba ne, O Nzambi wanyi, bundu budi bunkuata bikole bua meme kuhandisha mesu anyi kûdi, Nzambi wanyi; bualu bua malu mabi etu akavulangana ha mitu hetu, ne kuhila kuetu kuakamana kufika mu diulu.

Yobe 37:11

Yeye udi ûsha matutu mafike ne tshitelele tente; udi utangalasha ditutu diandi didi ne muele wa nvula.

Misambu 89:7

nNzambi udibo batshina bikole mu disangisha dia ba tshijila, Udi utamba bonso badi bamunyunguluka kutshinyishibua?

Yeshaya 38:2

Diba adi Hezikiya wakatangisha mpala wandi ku tshimanu tshia nsubu, wakalomba Yehowa.

Yeshaya 6:2

Ha mutu handi hakimana baselafima; muselafima ne muselafima wakadi ne mahuahua asambombo. Wakabuikila mesu andi ne mahuahua abidi, wakabuikila makasa andi ne abidi, ne wakahahala ne abidi makuabo.

Yirmeya 46:18

Mukelenge udi ne dina ne, Yehowa wa misumba, udi wamba ne, Bu mundi meme ne muoyo, mukuabo nealue bulelela bu Tabô munkatshi mua mikuna, anyi bu Kâmele udi ku muelelu wa mai manene.

Danyele 9:3

Nakatangisha mpala wanyi kudi Mukelenge Nzambi bua kumukeba mu kulomba ne kutendekena, mu kujila kua bia kudia, mu kuluata kua bilulu bikayabala ne mu kulaba kua butue.

Danyele 9:7

Mukelenge wetu, buakane budi kudi, kadi tuetu tudi ne bundu ku mesu, bu mudibu lelu eu, kudi bantu ba mu Yuda ne kudi badi bashikame mu Yelushalema, kudi Bena Isalele bonso, kudi badi ha buihi ne kudi badi kule, mu maloba onso awakubatuma, bualu bua kutomboka kuabo kuakukutombokelabo.

Matayi 14:23

Hakatumeye bisumbu bia bantu kuabo, wakaya mu mukuna nkayandi bua kutendelela Nzambi; hakabuela diba yeye wakadimu nkayandi.

Marke 14:35

Wakaya biandi ku mpala tshituha, wakadikuma hanshi, wakatendelela Nzambi, wakamba ne, Biwamanya mua kuenza nunku, tshituha etshi tshia diba tshimpite.

Luke 6:12

Mu matuku â yeye wakaya ku mukuna bua kutendelela Nzambi; wakamutendelela tô butuku buonso.

Bienzedi 10:9

Hakatshiabu, hakadibo baya mu nshila, hakambabo kufika ha buihi ne musoko, Petelo wakabanda ha mutu ha nsubu bua kutendelela Nzambi, diba diamba kufika munda munya.

Yoshua 7:6

Yoshua wakadihanda bilulu biandi, wakadikuma mpala wandi hanshi ku mpala kua mushete wa Yehowa tô ne ku dilolo; yeye ne bakulu ba Bena Isalele bakadiela buloba mu mitu.

1 Samuele 12:18

Nunku Samuele wakabikila Yehowa, ne Yehowa wakatuma nvula ne mikungulu dituku adi; bantu bonso bakatamba kutshina Yehowa ne Samuele.