1 Bakalenga 18:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

MUKANDA WA MYIDI MUKULU

¹² Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

1 Bakalenga 18:12 교차 참조

1 Bakalenga 18:11

Katataka wewe udi wamba ne, Ya, wambile mukelenge webe ne, Mona, Eliya udiku.

2 Bakalenga 2:11

Hakatshidibo benda bayikila, monai, dikalu dia kahia ne tubalu tua kahia biakamueneka, biakabahandulula, ne Eliya wakabandishibua mu diulu mu nvunde.

2 Bakalenga 2:16

Bakamuambila ne, Mona, bakole makumi atanu badi munkatshi mua bantu bebe badi kunoko; ludi tukusengelela ne. Ubatume, bakehe mukelenge webe; bumue Nyuma wa Yehowa wakabanda nʼandi, wakamuela ha mutu ha mukuna mukuabo anyi mu tshinga tshibanda. Yeye wakamba ne, Kanubatumi.

2 Kulondolola 34:3

Bualu bua mu tshidimu tshia muanda mukulu tshia bukelenge buandi, hakatshidiye muana, yeye wakabanga kukeba Yehowa, Nzambi wa Davidi, nkambua wandi; mu tshidimu tshia dikumi ne bibidi yeye wakabanga kumusha bioshelu biakadi ha mutu ha mikuna ne mitshi ya Bashela ne mpingu yakasongabo ne mpingu yakatulabo mu Yuda ne Yelushalema.

Misambu 71:5

Bualu bua wewe, Mukelenge Yehowa, udi ditekemena dianyi; udi tshieyemenu tshianyi ku buana buanyi to ne katataka.

Nsumuinu 8:13

Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Muambi 7:18

Mbimpe kulamata ku bualu ebu bikole; kumushiku tshianza tshiebe nansha; bualu bua watshina Nzambi neahanduke mu malu onso.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Yezekiyele 11:24

Hashishe Nyuma wakambandisha, wakalua nʼanyi mu tshikena kumona tshifume kudi Nyuma wa Nzambi tô ne ku buloba bua Bena Kasada, kudi bantu bakadi mu buhika. Nunku tshikena kumona tshinakamona diambedi tshiakumuka kundi.

Yezekiyele 37:1

Tshianza tshia Yehowa tshiakadi hamʼbidi hanyi, ne yeye wakaya nʼanyi mu Nyuma wa Yehowa, wakanshikika munkatshi mua tshibanda tshiakadi tshiule tente ne mifuba.

Yezekiyele 8:3

Yeye wakolola tshinfuanyi tshia tshianza, wakankuata ku tshisuba tshia nsuki ya ku mutu kuanyi; Nyuma wakambisha mulu hankatshi ha buloba ne diulu, wakaya nʼanyi mu bikena kumona bia Nzambi to ne ku Yelushalema, ku tshibi tshia ku tshibuelelu tshia ku luseke lua node tshidi tshibuela mu tshiendelu tshia munda mua ntempelo, kuakadi luhingu lua mukau, ludi lusonsola mukau.

Matayi 2:16

Hakamanya Helode ne, Bena Meshi badi banseka, wakadi ne tshishi tshikole, wakatuma bua kushihabo bana balume bonso ba mu Beteleheme ne ba ku matshika a musoko ba katataka tô ne ba bidimu bibidi, bu ba tshikondo tshiakumanyineye kudi Bena Meshi.

Matayi 4:1

Hashishe Nyuma wa Nzambi wakalombola Yesu mu tshihela bua diabolo amuteye.

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Bienzedi 12:19

Helode wakamukeba; hakahangeye kumumona, wakebesha balami, wakabalumbuluisha ne, Baye nʼabo bua kubashiha. Yeye wakumuka mu Yudaya, wakahueka ku Kaisalia, wakashikamaku.

Bienzedi 8:39

Hakaluhukabo mu mai, Nyuma wa Mukelenge wakangata Filipo, wakaya nʼandi; muntu mutungula kakamutangila kabidi, wakaya biandi mu nshila usanka.

2 Timote 3:15

ku buana buebe wewe wakamanya Mukanda wa Nzambi, udi mumanye mua kukuvuisha muena meshi tô ne ku luhandu luakulua bua ditabusha dia mu Kilisto Yesu.

1 Samuele 16:2

Samuele wakamba ne, Nenye munyi? Biunvua Shaula lumu elu, yeye neanshihe. Yehowa wakamba ne, Uye ne lukungulu lua ngombe, Wamba ne, Nyaya bua kushihela Yehowa.

1 Samuele 2:18

Samuele wakenzela Yehowa mudimu; hakatshidiye muana, wakadi uluata efoda wa lin.

1 Samuele 2:26

Muana eu Samuele wakadiunda, wakaleha mu diakalengele kudi Yehowa ne kudi bantu kabidi.