1 Bakalenga 12:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Yalobama wakabanga tshilele tshia kudia bidia bia disanka mu matuku dikumi ne atanu a ngondo wa muanda mukulu bu muakadiabo mu Yuda; yeye wakafila milambu ha tshioshelu; wakenza nunku mu Betele kabidi, wakashihela tuana tua ngombe tuakenzeye milambu; wakasungula bakuidi, wakabateka mu Betele mu bitendelelu biakenzeye ha mikuna.

MUKANDA WA MYIDI MUKULU

³² Yerobowame kujadika bua bikale benza tshibilu mu matuku dikumi ne atanu a ngondu wa muanda mukulu. Tshibilu atshi, tshivua mushindu umue ne tshivuabu benza mu buloba bua bena Yuda. Kabidi Yerobowame nkayende uvua ulambula milambu pa tshilambuilu. Ke tshivua Yerobowame wenza mu Betele. Uvua ulambuila mpingu ya tuana tua ngombe tuvuaye wenza milambu ayi. Batuangaji bakuabu bavuaye musungule bua kuenzabu mudimu miaba ya tshijila, uvua mubateke ne mu Betele amu.

1 Bakalenga 12:32 교차 참조

1 Bakalenga 13:1

Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

1 Bakalenga 13:33

Ku nyima kua bualu ebu Yalobama kakalekela bubi buandi; kadi wakasungula bakuidi munkatshi mua bantu bonso ba tshianana, wakabateka mu bitendelelu biakadi ku mikuna. Yeye wakajidila muntu yonso wakadi musue, bua bakuidi bikale mu bitendelelu bia ha mikuna.

1 Bakalenga 8:2

Bena Isalele bonso bakadisangisha kudi mukelenge Solomo bua kudiabo bidia bia disanka mu ngondo wa Etanima udi ngondo wa muanda mutekete.

1 Bakalenga 8:5

Mukelenge Solomo ne Bena Isalele bonso bakadi badisangisha kudiye bakadi nʼandi ku mpala kua mushete, bakadi bashihela mikoko ne ngombe yakadibo kabayi mua kubala bungi buai.

Ekesode 32:5

Hakamona Alona bualu ebu, Wakenza tshioshelu ku mpala kua luhingu, Alona wakela dî, wakamba ne, Makelela disanka dia Yehowa nedikaleku.

Yezekiyele 43:8

Bakadinyanga hakatekabo mushiku wabo wa mbelu hehi ne mushiku wanyi wa mbelu, ne dikunshi diabo hehi ne dikunshi dianyi, ne bakadi anu ne lumbu hankatshi hanyi nʼabo. Bakunyanga dina dianyi dia tshijila ku malu a bundu akuenzabo. Bua malu â onso nakubashihesha mu tshiji tshianyi.

Balombodi 17:5

Muntu eu Mika wakadi ne nsubu wa mpingu, Wakenza kabidi efoda ne telafima, wakajidila umue wa bana bandi balume, wakalua muakuidi wandi.