1 Bakalenga 1:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Hashishe Betasheba wakatua mpala wandi hanshi, wakakukuila mukelenge, wamba ne, Mukelenge wanyi Davidi, ikale ne muoyo tshiendelele!

MUKANDA WA MYIDI MUKULU

³¹ Ke Batsheba kutua binu, kuinyika mpala panshi kumpala kua mukalenga Davide, wamba ne: — Mukalenga wanyi Davide akuate ku mundundu kashidi!

1 Bakalenga 1:31 교차 참조

2 Samuele 9:6

Mefibosheta, muana wa Yonatana, muana wa Shaula, wakalua kudi Davidi, wakatua mpala wandi hanshi, wakamukukuila. Davidi wakamba ne, Mefibosheta. Yeye wakamukudimuna dî ne, Tangila, muntu webe!

1 Bakalenga 1:25

Bualu bua yeye wakuhuka lelu, wakushihela Nzambi ngombe ne bana ba ngombe ba manyi ne mikoko ya bungi, wakuhaula bana ba balume bonso ba mukelenge, ne tupitene tua masalayi andi, ne Ebeyatâ muakuidi. Katataka mona, badiadia, banuanua ku mpala kuandi bamba ne, Mukelenge Adoniya ikale ne muoyo musangu mule!

Nehemya 2:3

Nakambila mukelenge ne, Mukelenge ikale biandi ne muoyo tshiendelele; meme tshiena mua kubungama munyi, bualu bua musoko udi nkita ya bankambua banyi udi muhaula ne bibi biau bidi bioshibua ne kahia?

Estere 3:2

Bena mudimu ba mukelenge bonso bakadi ku tshibi tshia mukelenge bakatua binu hanshi, bakakukuila Hamana; bualu bua mukelenge wakela mukenji nunku bua bualu buandi. Kadi Môdekai kakatua binu hanshi, kakamukuila.

Danyele 2:4

Hashishe, Bena Kasada bakandamuna mukelenge mu muaku wa Bena Alama ne, Mukelenge, wikale ne muoyo tshiendelele! Wawile bantu bebe tshilota, nunku netukujinguluiletshi.

Danyele 3:9

Bakambila mukelenge Nebukadenesâ ne, Wewe Mukelenge, wikale ne muoyo tshiendelele!

Danyele 5:10

Bua mei a mukelenge ne a miloho yandi, mukelenge mukashi, mamu muledi wa mukelenge, wakabuela mu nsubu wa bidia bia disanka. Mukelenge eu mukashi wakambila mukelenge ne, Mukelenge wikale ne muoyo tshiendelele; mutshima webe kauhampakanyi, mpala webe kandamuki nunku nansha.

Danyele 6:21

Danyele wakandamuna mukelenge ne, Mukelenge, wikale ne muoyo tshiendelele!

Danyele 6:6

Hashishe, ba-gouverneur aba ne miloho bakadisangisha ku mpala kua mukelenge, bakamuambila ne, Mukelenge Dayawesha, wikale ne muoyo tshiendelele.

Matayi 21:37

Hashishe, wakabatumina muanʼandi, wakamba ne, Nebanemeke muanʼanyi.

Efeze 5:33

Kadi nuenu kabidi, mulume ne mulume, anange mukashi wandi bu mudiye udi nanga; ne mukashi anemeke bayandi.

Ebrewu 12:9

Buala bukuabo kabidi, tuakadi ne batatu ba mibidi yetu bua kutukengesha, ne tuakabanemeka; nunku katuena mua kutamba kukokela Tatu wa nyuma yetu, kuikala ne muoyo, anyi?

1 Samuele 20:41

Hakaya nsongalume, Davidi wakajuka ku muaba wandi wa ku luseke lua Sude, wakakuma mpala wandi hanshi, wakakukuila Yonatana misangu isatu, bakasangana mishiku, bakadilangana tô ne hakahita Davidi.

1 Samuele 24:8

Hashishe Davidi wakabika, wakaluhuka mu lubuebue, wakela dî kudi Shaula ne. Mukelenge wanyi. Hakatshunguluka Shaula, Davidi wakatua mpala wandi hanshi, wakamukukuila.