1 Bakalenga 1:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Katataka, mukelenge wanyi, mesu a Bena Isalele bonso adi kûdi bua wewe kubambila washikama mu nkuasa wa mukelenge wanyi ku nyima kuandi.

MUKANDA WA MYIDI MUKULU

²⁰ Mukalenga wanyi, mpindiewu bena Izrayele bonsu mbindile ne muoyi mujima bua wewe kubambila patoke dina dia muntu udi ukupingana mu bukalenga.

1 Bakalenga 1:20 교차 참조

2 Samuele 23:2

Nyuma wa Yehowa wakungakuila, dî diandi diakadi ha ludimi luanyi.

1 Bakalenga 1:19

yeye wakushihela Nzambi ngombe ne bana ba ngombe ba manyi ne mikoko ya bungi; wakabikila bana ba balume bonso ba mukelenge, ne Ebeyatâ muakuidi, ne Yoaba, kapitene ka masalayi; kadi yeye kukubikila muntu webe Solomo.

1 Bakalenga 1:21

Biwabenga kuenza nunku, hashishe, halala mukelenge wanyi tulu ne bankambua bandi, nebatubale meme ne muanʼanyi Solomo bu bantu badi balenduisha bakuabo.

1 Kulondolola 28:10

Udimuke biebe, bualu bua Yehowa wakukusungula bua wewe kuibaka nsubu udi mua kuikala muaba wandi wa tshijila; wikale ne bukole, wenze nsubu eu.

1 Kulondolola 29:1

Davidi mukelenge wakambila tshisumbu tshia bantu ne, Solomo muanʼanyi, wakasungulabo kudi Nzambi nkayandi, utshidi nsongalume mutekete, ne mudimu eu udi munene; bualu bua mbalasa eu kena wa muntu, udi wa Yehowa Nzambi.

2 Kulondolola 20:12

Nzambi wetu, kuena ubalumbuluishe, anyi? Bualu bua tuetu katuena ne bukole bua kuluangana ne tshisumbu etshi tshinene tshilualua kutuluisha, katuena bamanye mua kuenza; kadi mesu etu adi kûdi.

Misambu 123:2

Mona, bu mudi mesu a bena mudimu matangisha ku tshianza tshia nfumu wabo, bu mudi mesu a muenu mudimu mukashi matangisha ku tshianza tshia nfumu wandi mukashi; mbu mudi mesu etu atangila Yehowa Nzambi wetu tô ne hatufuileye luse.

Misambu 25:15

Mesu anyi atu atangila kudi Yehowa misangu yonso, bualu hua yeye neahatule makasa anyi mu bukuondo.

Zekâya 3:9

Yehowa wa misumba udi wamba ne, Monai dibue dinakuimanyika ku mpala kua Yoshua; ha dibue edi hadi mesu muanda mutekete. Monai, nensongehu tshifundu tshiadi, nengumushe bubi bua mu buloba ebu dituku dimue.