Zakaria 8:14 - Tshwa Bible

¹⁴ Hakuva Jehova wa tiyimpi i ngalo: Khwatsi hilezi nzi nga xuva ku mu mahela kubiha laha a vadadani va nwina va nga vindlusa a zanga ya mina, nzi nga va tsetsi, ku wula Jehova wa tiyimpi,

Zakaria 8:14 교차 참조

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Tisimu 33:11

A xikungo xa Jehova xi ta tsonzoma kala kupinzuka; A maalakanyo ya mbilu yakwe ma su tsoma zizukulwaneni zontlhe.

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Jeremia 20:16

A munhu loye ngha a fanana ni miti Leyo Jehova a yi hahlulako na a nga yi tsetsi. Ngha yena azwa tihuwa laha mixweni, Ni huwa ya yimpi laha hlikanhini; Gen. 19:24; Lu. 17:29; Juda 7

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 31:28

Khwatsi hi lezi nzi nga va rinzela kasi ku va tsuwula, ni ku ya pswhandlasa, ni ku va wisa, ni ku va hahlula, ni ku va xanisa; lezo nzi ta va languta loku va aka ni ku byala, ku wula Jehova.

Jeremia 32:42

Hakuva Jehova i ngalo: Khwatsi hilezi nzi nehileko a hehla ka lava vanhu a khombo legi ga hombe, hizalezo nzi ta neha hehla kabye wontihe makatekwa lawa nzi va tsumbisileko wona.

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Zakaria 1:2

Jehova i tsanwisilwe nguvu hi vadadani va nwina.

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.