Zakaria 14:17 - Tshwa Bible

¹⁷ Ni lihi lixaka laha misaveni leli li to kala li nga kanzihi Jerusalema a ku ya khozela Hosi, Jehova wa tiyimpi, li nga ta niselwa a vula.

Zakaria 14:17 교차 참조

Genesisi 10:32

Leti hi tiyindlu ta vana va Noa hi mingango yabye, ka misava yabye: a matiko ma humile ka vona ma hangalaka ni misava anzhako ka ntalo.

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Genesisi 28:14

a pswalo wa wena wu ta kota a tshuri wa misava; wena u ta hangalaka le Mupela-gambo, ni Muhuma-gambo, ni Nwalungu, ni le Dzongeni; hi ka wena ni ka pswalo wa wena a matiko wontihe ma ta katekiswa.

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

1 Tihosi 8:35

Loku a tilo gi valeka, a vula yi nga hani hi kota ya kuonha kabye, loku vona va khongela ka legi wutshamu, va dumisa a vito ga wena, va tsika kuonha kabye hi kota ya lezi u va tsayisileko,

2 Kronekele 6:26

Loku a tilo gi valilwe, yi ngani vula, hi kota ya kuva va ku onhele, loku vona va khongela ka legi wutshamu, va dumisa a vito ga wena, va tsika a zionho zabye lezi u nga wa va tsayisa ha zona;

2 Kronekele 7:13

Loku nzi vala a tilo yi ngani vula, ni loku nzi rumela humbi a ku ta mbheta masimu ya nwina, ni loku nzi rumela mitungu ka vanhu va mina;

Isaya 18:7

A ka xikhati lexi ku ta nehiwa zinyikiwo ka Jehova wa tiyimpi hi ka tiko ga vanhu vo leha va ntlhohe, a vanhu vo tshisa kusukela ntumbulukweni wabye kala lezi, a tiko ga ntamu gi kanzihelelako zontlhe, legi gi tsemakanyilweko hi micongo; zi ta nehiwa a wutshanwini legi Jehova wa tiyimpi a khozelwako kona, le xitsungeni xa Zioni.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Isaya 60:12

Hakuva a tiko ni mufumo wu to kala wu nga ku tireli wu ta lova, Ina, a matiko lawo ma ta hahlulwa maku bhi!

Jeremia 10:25

Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 14:3

A vahombe va kona va rumele laʼva tsongwani a ku ya lava mati, Loku vata tihlobyeni a va kumi mati, Va tlhela nitifuko tabye ta maphanga. Vazwa tingana vaku goo! na va fenengeta tihloko tabye.

Jeremia 14:4

A varimi va wiswa tingana, va fenengeta tihloko tabye, Hakuva misava yi khayekile, Hi kota yo kala vula laha tikweni. Joeli 1:11

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Zakaria 14:16

A misalela ya matiko wontlhe lawa ma ngalwa ni Jerusalema, lembe ni lembe yi ta kanziha ku ya khozela Hosi Jehova wa tiyimpi, ni ku ya maha a mubuzo wa mixaxa.

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Deuteronome 11:17

Ni zanga ya Jehova yi ta vura hehla ka nwina, a vala tilo kasi a vula yi ngani, zonake a misava ya nwina yi nga ha pswali nchumu, na nwina mu ta hatlisa kufa lomu ka misava leyi yo saseka leyi Jehova a mu nyikileko.

Jakobe 5:17

Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. 1 Tih. 17:1; Miti. 14:15

Kuvululelwa 11:6

Vona va na ni ntamu wo vala tilo, lezaku a vula yi ngani masikwini lawo va profetako ha wona; va na ni ntamu a ku hunzula mati ma maha nkhata; ni wa kuba misava hi zixaniso zi tsalangeneko, kota lezi va zi ranzako. Ekso. 7:19; Jak. 5:17