Zakaria 10:7 - Tshwa Bible

⁷ A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Zakaria 10:7 교차 참조

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Genesisi 43:34

Zonake i lo va phamela a kuga loku ku nga wa hi mahlweni kakwe; kanilezi Benjamini i lo mu phamela hi ku wuyeta ntlhanu wa zikhati ku hunza vontlhe. Va lonwa va tsaka zinwe naye.

Tisimu 102:28

A vana va malanza ya wena ma ta aka tikweni, Ni pswalo wabye wu ta tiyisiwa mahlweni ka wena.

Tisimu 104:15

Ni vinya legi gi tsakisako a mbilu ya munhu, Ni mafura yo nyukisa a nghohe yakwe, Ni xibaba lexi xi tiyisako a mbilu ya munhu. Vala. 9:13

Tisimu 13:5

Mina nzi tsumbile a wuxinji ga wena, A mbilu ya mina ya nengela kuhanyisweni ka wena.

Tisimu 28:7

Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

Tisimu 33:21

Hakuva a timbilu ta hina ta mu tsakela, Hi tsumba a vito gakwe go basa.

Tisimu 90:16

A ntiro wa wena a wu woneke ka malanza ya wena, Ni kungangamela ka wena ka vanana vabye.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 38:19

A vahanyako, ina, a vahanyako va ta ku dumisa, Khwatsi hi lezi nzi mahako nyamutlha; A vadadani va ta kanela ka vanana vabye a kutsumbeka ka wena.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Jeremia 32:39

Nzi ta vaha mbilu yinwe nzi va gonzisa ndlela yinwe, ya ku nzi chava kala kupinzuka; va ta kateka, vona ni vana vabye anzhako kabye,

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Habakuka 3:18

Hambu zi hi tano, nzi ta tsakela Jehova, Nzi tsakela a Nungungulu wa kuhanyiswa ka mina.

Zefania 3:14

Yimbelela, wena nhanyana wa le Zioni! Khana wena Israeli! Tsaka, u nengela hi mbilu ya wena yontlhe, wena nhanyana wa Jerusalema!

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Luka 1:47

Ni moya wa mina wa tsaka ha Nungungulu a Muhanyisi wa mina;

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Mitiro 13:33

lezaku Nungungulu i xi tatisile ka hina, vana vabye, hilezi a nga vuxa Jesu; kota lezi ku tsalilweko lomu ka Lisimu la wumbiri, ku ngalo: Wena u Nʼwana wa mina, nzi ku psweleko nyamutlha. Tis. 2:7; Maheb. 5:5

Mitiro 2:26

Hikwalaho a mbilu ya mina yi lo tsaka, ni lirimi la mina li nengela, Ni wona miri wa mina wu ta tshama hi kutsumba.

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!

1 Pedro 1:8

loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20

1 Samueli 2:1

Hana i lo khongela, aku: A mbilu ya mina yi tsakela Jehova. A limhonzo la mina li tlakusilwe hi Jehova, A nomu wa mina wu ahlamele a valala va mina; Hakuva nza bhuma lomu kuhanyiseni ka wena.