Va le Filipi 4:8 - Tshwa Bible

⁸ Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.

Va le Filipi 4:8 교차 참조

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

2 Samueli 1:23

Saule na Jonatani va wa ranzeka ni ku xalalisa kuhanyeni kabye, Ni le kufeni kabye vona a va hambanyiswangi; Va wa haha ku hunza magama, Va hi ni ntamu ku hunza tinghala.

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Tisimu 82:2

Ku ta kala kuva rini na ma ha lamula hi kukhohlisa, Ni ku yimela a vanhu va kubiha ke? (Sela.)

Mavingu 11:1

Jehova wa venga xikalu ya mawunwa; anilezi a lipimo li lulamileko la mu xalalisa.

Mavingu 12:4

A wasati nene xidlodlo hlokweni ya nuna wakwe; anilezi loyi a mahako tingana i kotisa kubola marambyini yakwe.

Mavingu 16:11

A lipimo ni xikalu xo lulama zi ka Jehova; ontlhe tipimo ta xikalu i ntiro wakwe.

Mavingu 20:7

A munhu nene i famba kululameni kakwe; a katekile a vana vakwe va mu lanzelako.

Mavingu 31:10

A wasati nene, himani a zi kotako ku mu kuma ke? akuva a tsengo wakwe wu hunza maribye ya lisima.

Mavingu 31:29

Aku: Vanhwana vanyingi va nga va nene; anilezi wena wa va hunza vontlhe.

Mavingu 31:31

Mu nyikeni mihanzu ya mandla yakwe; mitiro yakwe ngha yi mu dzunza lomu tinyangweni.

Xizimba xa ka Solomoni 5:16

A nomu wakwe wu hunzelele ku nanziha; Ina, i sasekile nguvunguvu. I maha lezo muranziwa wa mina, hi yena munghana wa mina, O nwina vanhwana va Jerusalema.

Isaya 26:7

A ndlela ya loyi a lulamileko nja nongameto, Wena loyi u hunzeleleko ku lulama u basisa a ndlela ya vabasileko.

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Marku 6:20

hakuva Herodi i lo chava Johani, hi ku mu tiva lezaku i munhu a lulamileko ni kubasa, i lo mu lonzowota; Laha a ngazwa a kuwulawula ka Johani, i lo kanganyiseka nguvu, hambu zi hi tano i lo muzwa hi kutsaka. Mat. 14:5; 21:26

Luka 16:15

Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Luka 23:50

Ku wa hi kona a nghanakana gi vitwako Josefa, a munhu wo saseka, a lulamileko,

Johani 7:18

Loyi a wulawulako hi za wutsumbu gakwe, i lava wudzunzo ga yena nwinyi; kanilezi loyi a lavako ku dzunza loyi a mu rumileko; hi yena a gonzisako zinene, ku hava a kungalulami ka yena. Xip. 5:41; 8:50

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Mitiro 22:12

Ananiasi loyi a nga chava Nungungulu ni ku pinyamela nayo, loyi a khesiwako hi vaJuda vontlhe lava va akileko leyo, Xip. 9:17; 10:22; 1 Tim. 3:7

Mitiro 6:3

Hikwalaho vamakabye, hlawulani xikari ka nwina a ntlhanu wa vavanuna ni vambiri, lava va tsumbekileko, va teleko hi Moya ni kutlhariha, lava hi ta nga va yimisa ka ntiro lowo. Deut. 1:13; 1 Tim. 3:7

Va le Roma 13:13

A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14

Va le Roma 13:3

Hakuva a vafumeli a va chabyiwi hi munhu loyi a mahako kusaseka, sine loyi a mahako kubiha. Xana wa ranza a kuva u nga chavi mufumo ke? Maha lezi zo saseka, na wena u ta dzunziwa ha wona. 2 Sam. 23:3; Tis. 94:20; 1 Ped. 3:13

Va le Roma 14:18

Hakuva loyi a tirelako Kristu kota lezi wa tsakisa Nungungulu, a ranzeka ka vanhu. 2 Kor. 8:21

Va le Roma 2:29

Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 13:7

Makunu hi khongela ka Nungungulu lezaku mu nga mahi kubiha, na ku nga hi lezaku hina hi fela ku woneka na hi amukeleka, kanilezi lezaku kasi nwina ma fela ku maha zinene, hambu loku hi ku khwatsi a hi na ku amukeleka. Xip. 6:9

2 Va le Korinte 6:8

hi kudzunziwa ni ku nyenyiwa, hi wudumo ga kubiha ni wudumo go saseka; aku khwatsi hi vakohlisi, kasi lezi hi va zinene,

2 Va le Korinte 8:18

Hi mu rumile zinwe ni makabye munwani, loyi a dzunziwako mabandleni wontihe hi kota ya ntiro wakwe ivangelini; Xip. 12:18

2 Va le Korinte 8:21

Hakuva hi chela kota hi zilo zi nene, na ku nga hi mahlweni ka Hosi ntsena, kanilezi ni mahlweni ka vanhu. Rom. 12:17; Fil. 4:8; 1 Ped. 2:12

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Efesusi 4:25

Hikwalaho tsikani mawunwa, mu wulawula zinene munwe ni munwani ka waakelane wakwe, hakuva munwe ni munwani xiro ka vanwani.

Va le Efesusi 5:9

hakuva a mihanzu ya kuwonekela hi wunene gontlhe, ni kululama, ni zinene;

Va le Efesusi 6:14

Hikwalaho yimani, na mu bohile ziwunu za nwina hi bhandi ga zinene, na mu ambele a xikatawu xa xiketse xa kululama, Isa. 59:17

Deuteronome 16:20

Wena u ta lanzela nongameto basi, kasi wa fela ku hanya u fumela a tiko legi Jehova Nungungulu wa wena a ku nyikileko gona.

Va le Filipi 3:1

Vamakabye, hi kugumesa nzi ngalo: Tsakani Hosini! A nzi karali mina ku mu tsalela timhaka twaleti, hakuva za mu vuna.

Va le Kolosi 4:5

Fambani hi kutlhariha xikari ka lava va nga lehandle, na mu tirisa xikhati xa nwina. Efe. 5:15; 1 Tes. 4:12

1 Va le Tesalonika 4:12

lezaku muva ni mahanyela ma faneleko ka lava va nga lehandle, mu nga vumali nchumu.

1 Timote 2:2

zi mahelwa tihosi ni vafumeli vontlhe, lezaku hi hanya khwatsi ni ku tshameka hi xichawo xa Nungungulu ni fanelo. Ezra 6:10; Rom. 13:1

1 Timote 3:11

Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.

1 Timote 3:4

loyi a fumelako khwatsi a ngango wakwe, a hi ni vana va ingisako hi xichawo xontlhe; Jox. 24:15

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

1 Timote 5:10

loyi a bikilweko lezaku i mahile mitiro yo saseka, loku a ngha a wundlile vana, loku a ngha a rurele vapfhumba, loku a ngha a hlazile mikonzo ya vobasa, loku a ngha a vunetele zisiwana, ni loku a ngha a pinyamile mitirweni yontlhe yo saseka. Gen. 18:4; Lu. 7:38; Miti. 16:15

1 Timote 5:2

a vavasati va kale khwatsi mbamani, ni lava vaswa khwatsi mbamakwenu, hi kuhlazeka kontlhe.

Titusi 1:8

kanilezi a va munhu a rurelako vapfhumba, a muranzi wa wunene, loyi a tlharihileko, loyi a lulamileko, a basileko, wa kutikhoma;

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Titusi 2:2

lezaku a vavanuna va kale va ti khoma, vave lava va dzunzekako, lava va tlharihileko, va hi ni kukholwa ku nene, ni liranzo, ni kutimisela.

Titusi 2:7

Uva xiwonelo xa mitiro yontlhe yo saseka; a kugonziseni ka wena u kombisa a kubasa ni kudzunzeka, Efe. 6:24; 1 Ped. 3:1, 5; 5:3

Titusi 3:14

A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8

Maheberu 11:2

Hakuva a vakale va lo mahelwa a wukustumunyu gi nene ha kona.

Maheberu 13:18

Hi khongeleleni, hakuva ha tsumba lezaku hi na ni livalo li nene, na hi xuva kuva ni mahanyela ma nene matlhelweni wontihe. Miti. 23:1; Kol. 4:3

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 4:8

Nguvunguvu pinyameleni kuranzana, hakuva a liranzo li khubhunyeta zionho zinyingi. Kol. 3:14; Jak. 5:20

2 Pedro 3:1

Varanzekako, legi i papilo ga wumbiri nzi mu tsalelako gona; hi wumbiri ga wona nzi vuxa a kupima ka nwina loku ku basileko hi ku mu alakanyisa,

1 Johani 3:18

Vana vanga, ngha hi nga ranzi hi kuwulawula, kutani hi lirimi, kanilezi a hi ranzeni hi kumaha ni zinene. Ezek. 33:31; Jak. 2:15, 16

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

Rute 3:11

Makunu, nwananga, u nga chavi! Nzi ta ku mahela zontlhe lezi u zi wulako, hakuva a muti wontihe wa vanhu va ka hina wa zi tiva lezaku wena u wasati a faneleko.