Va le Filipi 4:6 - Tshwa Bible

⁶ Mu nga kanakaneli nchumu; kanilezi a timhakeni tontlhe tivisani a mixuvo ya nwina ka Nungungulu hi kukombela ni kukhongotela, na mu kari mu bonga. Tis. 55:2; Mav. 16:3; Mat. 6:25; Lu. 12:22

Va le Filipi 4:6 교차 참조

1 Tihosi 8:28

Hambu lezo, Jehova Nungungulu wa mina, zwana mikhongelo ya nanza ga wena ni kukombela ka yena! Ingisa kurila ni mukhongelo lowu a nanza ga wena a kombelako mahlweni ka wena nyamutlha.

2 Kronekele 32:20

Kanilezi hosi Hezekia i lo khongela hi kota ya timhaka leti, zinwe na muprofeti Isaya, va lo vitana le tilweni.

Tisimu 51:15

Hosi, vulula milomu ya mina, Zonake a nomu wa mina wu ta tshawutela a kudumisa ka wena.

Tisimu 55:17

Nzi ta kombela, nziba huwa laha gambyeni, ni mixo ni hlikanhi; Yena i tazwa a gezu ga mina. Dan. 6:10

Tisimu 55:22

Rula a nzhwalo wa wena ka Jehova, i ta ku seketela, Cima a nga ta vumela loyi a lulamileko a ku tsekatsekiswa. Mat. 6:25; Lu. 12:22; 1 Ped. 5:7

Tisimu 62:8

Nwina vanhu, tsumbani yena masiku wontihe; Chululani timbilu ta nwina mahlweni kakwe: Nungungulu hi wuchavelo ga hina. (Sela.)

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Mavingu 16:3

Hendleleta mitiro ya wena yontlhe ka Jehova, makungo ya wena ma ta maheka. 1 Ped. 5:7

Xizimba xa ka Solomoni 2:14

Tuva ganga, legi gi nga lomu mikovotlweni ya maribye, Lomu matshanwini ya ku fihlala lomu maribyeni; Hi nga nzi komba a nghohe ya wena, nzizwa gezu ga wena; Hakuva a gezu ga wena ga nanziha, ni nghohe ya wena yi sasekile.

Jeremia 32:16

Anzhako na nzi nyikile a papilo ga xavo ka Baruke a nʼwana Neria, nzi lo kombela ka Jehova, nziku:

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Danieli 3:16

Xadrake na Mexake na Abed-nego va lo hlamula vaku ka hosi: Wena Nebukadnezzare, a hi na fanelo ku ku hlamula nchumu mhakeni leyi.

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Mateu 10:19

Kanilezi loku va mu nyikela kabye, mu nga kanakani muku mu ta wulawulisa kuyini niku zini mu ta nga wulawula, hakuva zi ta nyikiwa ka nwina hi xikhati lexi mu ta nga wulawula. Ekso. 4:12; Mar. 13:11-13; Lu. 12:11

Mateu 13:22

Loyi a nga xwanyiwa xikari ka mizwa, hi yena loyi a zwako mhaka, kanilezi a kukaratekela a zilo za tiko, ni kukhohlisa ka xuma, ku tlimba a mhaka, lezaku yi nga pswali mihanzu. Jer. 4:3; Mar. 10:23

Mateu 6:34

Hikwalaho mu nga karatekeli za manziko; hakuva manziko i ta karatekela a wutsumbu ga yena. A siku ginwe ni ginwani gi na ni khombo gi ringanako gona.

Mateu 6:8

Hikwalaho ngha na mu nga fanani na vona; hakuva a Raru wa nwina wa zi tiva lezi mu zi vumalako, na mu nga se ku mu kombela.

Luka 10:41

Kanilezi a Hosi yi lo hlamula, yiku ngalo ka yena: Marta, Maria, u karateka ni ku vilela hi leʼzinyingi,

Luka 12:22

Yena aku ngalo ka vapizani vakwe: Hikwalaho nziku ka nwina: Mu nga karatekeli a kuhanya ka nwina, lezaku mu taga yini; hambu ni mimiri ya nwina, lezaku mu ta ambala yini. Mat. 6:25

Luka 12:29

Mu nga lavi lezi mu ta ngaga, ni lezi mu ta nganwa, kambe mu nga kanakani.

Luka 18:1

Yena i lo kanela kabye a mufananiso xungetano ni lezaku va fanele ku khongela a xikhati xontlhe, va nga Xip. 11:5; Rom. 12:12; Kol. 4:2

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

1 Va le Korinte 7:21

Loku u vitanilwe na u hi khumbi, u nga karateki ha gona; kanilezi loku u zi kota ku tlhatlheka, hlawula lezo. Isa. 58:6; Gal. 3:28

1 Va le Korinte 7:32

Kanilezi nzi ranza ku ngha mu tlhatlheka kukaratekeni. Loyi a nga tekangiko i chela kota hi zilo za Hosi, lezaku i ta yi nengelisisa kuyini a Hosi. 1 Tim. 5:5

2 Va le Korinte 1:11

na hi kari hi vuniwa hi mikhongelo ya nwina, lezaku vanyingi va fela ku bonga Nungungulu hi kota ya xinyikiwo lexi hi nyikilweko xona hi kota ya ku hi khongelela ka vanyingi. Rom. 15:30; Xip. 4:15; Fil. 1:19; File. 22

Va le Efesusi 5:20

xontlhe xikhati mu bonga Nungungulu a Dadani hi kota ya zilo zontlhe a vitweni ga Hosi ya hina Jesu Kristu. Joba 1:21; Tis. 34:1

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

Va le Kolosi 3:15

Ngha na kurula ka Kristu ku fuma timbilwini ta nwina, loku mu vitaneleko kona mirini munwe; kambe muva ni kubonga. Rom. 14:17; 1 Kor. 7:15; Efe. 2:16; 4:4; Fil. 4:7

Va le Kolosi 3:17

Kani hi xihi lexi mu xi mahako, kani hi kuwulawula kutani hi kutira, mahani zontlhe vitweni ga Hosi Jesu, mu bonga Nungungulu Dadani ha yena. Rom. 1:8; 1 Kor. 10:31; Efe. 5:20; Xip. 2:7

Va le Kolosi 4:2

Pangamelani kukhongeleni, mu simamisa ka kona hi kubonga. Lu. 18:1; Rom. 12:12; Efe. 6:18

1 Timote 2:1

Hikwalaho hi kusangula nzi khongotela lezaku a mikombelo ni mikhongelo ni kukombelela ni kubonga ku mahelwa vanhu vontlhe;

1 Timote 5:5

Loyi a nga noni hakunene, a nga yece, i tsumbile Nungungulu, a nonohisa mikombelweni ni mikhongelweni a wusiku ni mumu.

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

1 Pedro 5:7

Vekani hehla ka yena kontlhe a kukarateka ka nwina, hakuva wa mu khatalela. Tis. 37:5

1 Samueli 1:15

Hana a hlamula, aku: Kokwihi, hosi yanga! Nzi wasati wa ku karateka mbilwini. A nzi nwangi vinya hambu byala, kanilezi nzo chulula a muhefemulo wa mina mahlweni ka Jehova.

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.

1 Samueli 7:12

Zonake Samueli i lo teka a ribye a gi yimisa xikari ka Mizpa ni Xena, a gi chula vito ga Ebenezer, aku: Kala ni lezi Jehova i hi vunetele.