Va le Filipi 3:8 - Tshwa Bible

⁸ Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2

Va le Filipi 3:8 교차 참조

1 Tihosi 14:10

Hikwalaho mina nzi ta rumela khombo ndlwini ya Jeroboamu, nzi ta lobyisa vafana vontlhe va Jeroboamu, lava va tsongwani ni laʼva hombe lomu ka Israeli; nzi ta swiyela a yindlu ya Jeroboamu khwatsi hi loku munhu a swiyela chaka kala gi mbhela.

2 Tihosi 9:37

A miri wa Jezebeli wu ta fanana ni koho lomu masinwini ya petso wa Jezreeli, laha ka kuva ku nga ha wuliwi kambe ku ngalo: Loyi hi Jezebeli.

Joba 20:7

Yena i ta lova ku fanana ni macimba ya yena nwinyi; Ni lava va mu wonileko va taku: I kwihi?

Tisimu 126:6

Va famba na va xwanya a mbewu na va kari va rila, Va wuya hi kutsaka na va rwele milumbe yabye. Isa. 35:10

Tisimu 73:25

Himani nzi nga naye le tilweni ahandle ka wena ke? Loku nzi hi na wena a nzi naveli nchumu misaveni.

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Malaki 2:3

Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.

Mitsengo 14:30

cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.

Luka 1:43

Zi maheka hikuyini lezi ka mina, lezaku a nyine wa Hosi ya mina ata ka mina ke?

Luka 11:20

Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19

Johani 14:20

Hi lego siku mu ta zi tiva lezaku nzi kona ka Dadani, na nwina ka mina, na mina ka nwina.

Johani 14:7

Loku mu wa nzi tivile, ngha mu tivile ni Dadani kambe; a kusukela lezi ma mu tiva, mu mu wonile. Xip. 8:19

Johani 16:3

Va ta maha lezi, hakuva a va tivangi Dadani na mina. 1 Kor. 2:8; 1 Tim. 1:13

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 17:8

Hakuva nzi va nyikile a timhaka leti u rizi nyikileko tona; va ti amukele, va zi tiva lezaku kunene nzi humele hi ka wena, va kholwa ku ngalo u nzi rumile. Xip. 12:49; 16:27

Johani 20:13

Ti ku ngalo ka yena: Wasati, u rilela yini ke? Aku ka tona; Hilezi va susileko a Hosi ya mina, a nzi ku tivi laha va yi vekileko kona.

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Va le Roma 8:18

Hakuva nza alakanya nziku, a kuxaniseka ka lexi xikhati a ku na ku ringaniswa ni kungangamela loku ku ta nga wonekeliswa ka hina. 2 Kor. 4:17; 1 Ped. 1:6, 7

Va le Roma 8:39

hambu ni mintamu ya le hehla, hambu ya lomu kueteni, kutani xinwani xilo xi vangilweko, zi nga ta zi kota ku hi hambanyisa ni liranzo la Nungungulu, leli li nga kona ka Kristu Jesu a Hosi ya hina. Joh. 10:28; Kol. 3:3

1 Va le Korinte 2:2

Hakuva nzi wa tiyisile lezaku nzi nga ta tiva nchumu xikari ka nwina, ntsena yena Jesu Kristu, loyi a nga belelwa. Gal. 6:14; Fil. 3:8

1 Va le Korinte 9:10

A nga wuli lezo hi kota ya hina kambe ke? Ina, zi tsalilwe hi kota ya hina lezaku: Loyi a rimako i fanelwe ku rima hi kutsumba, ni loyi a hulako i yimelwe hi ku hula na a tsumba lezaku i ta aveliwa na yenawu. 2 Tim. 2:6

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Va le Galatia 1:16

laha a nga ranza ku wonekelisa a Nʼwana wakwe ka mina, lezaku nzi fela ku mu kanela xikari ka vamatiko, a nzi lombangi wusungukati ka nyama ni nkhata; Mat. 16:17; 2 Kor. 4:6

Va le Efesusi 4:13

hi kala hina hontlhe hi chikela kuzwaneni ka kukholwa, ni ka ku tiva a Nʼwana wa Nungungulu, ni ka wudota gi mbheleleko, ni ka lipimo la xiyimo xi mbheleleko xa Kristu; Kol. 2:2

Va le Filipi 1:1

Paule na Timote, a malanza ya Jesu Kristu, ha losa a vobasa ka Kristu Jesu, lava va nga le Filipi, zinwe ni varisi ni madikoni, hiku:

Va le Filipi 3:10

Hakuva nzi ranza ku tiva yena, ni ntamu wa kuvuka kakwe, ni ku hlengela kuxaniseka kakwe, nzi mu ringanyeta kufeni kakwe; 1 Ped. 4:13

Va le Filipi 3:12

A hi lezaku nzi sina nzi ku kumile, kutani nzi sina nzi mbhelele; kanilezi nzi tsimbeketa nziya mahlweni, lezaku kutani nzi ta zi khoma lezi nzi nga khomelwa zona hi Kristu Jesu. 1 Tim. 6:12; Maheb. 12:23

Va le Filipi 3:7

Ahembalokoke, a zilo lezi zi nga hi bhinzu ka mina, nzi zi alakanyile lezaku kulahleka hi kota ya Kristu.

2 Timote 4:6

Hakuva makunu va lombela ha mina, a xikhati xa kusuka ka mina xi chikele.

Maheberu 3:14

Hakuva hina hi mahile lava va avelweko Kristu, loku hi khomisisa a kutsumba ka hina ko sangula ku tiya kala magumo,

1 Pedro 2:7

Hikwalaho ga dzunzeka ka nwina lava mu kholwako, kanilezi ka vona lava va nga kholwiko, A ribye legi gi nga aliwa hi vaaki, Gi mahile a: hloko ya magumo. Tis. 118:22; Mat. 21:42; Miti. 4:11

2 Pedro 1:2

A tipswalo ni kurula a zi anziswe ka nwina, hi ku tiva Nungungulu na Jesu a Hosi ya hina. Dan. 4:1; Juda 2

2 Pedro 1:3

A ntamu wakwe wa wuNungungulu wu hi nyikile zontlhe zi nga za wutomi ni za xichawo xa wuNungungulu, hi ku mu tiva loyi a hi vitanileko hi kungangamela ni ntamu wakwe. Joh. 17:3; 2 Tim. 1:9; 1 Ped. 2:9

2 Pedro 1:8

Hakuva loku lezi zilo zi hi kona ka nwina zi tala, zi ta mu maha mu nga lolohi, hambu ku vumala mihanzu a kutiveni ka Hosi ya hina Jesu Kristu. Joh. 15:2; Tit. 3:14

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

1 Johani 1:3

lexi hi xi wonileko ni ku xizwa, hi lexo hi bako hungu ka nwina ha xona, kasi na nwinawu mu fela ku hlengela zinwe na hina; ina, a kuhlengela ka hina ku zinwe na Dadani ni Nʼwana wakwe Jesu Kristu. Miti. 4:20; 1 Kor. 1:9

1 Johani 2:19

Va humele xikari ka hina, kanilezi va wa nga hi va hina; hakuva loku va wa hi va hina, ngha va simamisile zinwe na hina; kanilezi va lo huma kasi ku fela ku woneka lezaku vontlhe a hi va hina. Joh. 6:37; Miti. 20:30; 1 Kor. 11:19

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3