Va le Filipi 3:3 - Tshwa Bible

³ Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Va le Filipi 3:3 교차 참조

Tisimu 105:3

Ti kuliseni hi vito gakwe go basa, Ngha ti tsaka a timbilu ta lava va lavako Jehova.

Isaya 45:25

A ka Jehova vontlhe a vana va ka Israeli va ta hlayelwa kululama, Va ti kulisa ha yena.

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 9:26

Gipite, na Juda, na Edome ni vana va Amoni, na Moabi, ni vontlhe ya akileko xiwuleni va nga ni misisi yi kayilweko mareveni. Wontihe matiko ma hi makhuna, ni yindlu yontlhe ya ka Israeli i khuna mbilwini. Levi 19:27; Miti. 7:51; Rom. 2:28

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Va le Roma 1:9

Hakuva Nungungulu loyi nzi mu tirelako hi moya wa mina ivangelini ya Nʼwana wakwe, i kustumunyu wa mina lezaku a nzi tsiki ku mu alakanya.

Va le Roma 15:17

Hikwalaho nza ti kulisa ka Kristu Jesu a ntirweni wa Nungungulu. Maheb. 5:1

Va le Roma 7:6

Kanilezi makunu hi tlhatlhisilwe nayweni, hi file ka lezo hi nga wa bohilwe ha zona; lezaku hi khozela hi mahanyela maswa ya ka Moya, na ku nga hi mahanyela ya kale ya nayo wu tsalilweko. Joh. 4:23; Xip. 2:29; 2 Kor. 3:6

Va le Roma 8:15

Hakuva a mu amukelangi a moya wa wukhumbi lezaku mu tlhela mu chava; kanilezi nwina mu lo amukela a moya wa wunʼwana, lowu hi vitanako ha wona, hiku: Abba! Dadani! Isa. 56:5; 2 Tim. 1:7; Maheb. 2:15

Va le Roma 8:39

hambu ni mintamu ya le hehla, hambu ya lomu kueteni, kutani xinwani xilo xi vangilweko, zi nga ta zi kota ku hi hambanyisa ni liranzo la Nungungulu, leli li nga kona ka Kristu Jesu a Hosi ya hina. Joh. 10:28; Kol. 3:3

Va le Roma 9:6

Kanilezi a hi ku khwatsi a mhaka ya Nungungulu yi tsanzekile; hakuva a vaIsraeli a hi vona vontlhe va nga huma hi ka Israeli. Gal. 6:16

2 Va le Korinte 11:18

Kota lezi vanyingi va ti dzunzako hi ka nyama, minawu nzi ta ti dzunza. Fil. 3:3

Va le Galatia 5:25

Loku hi hanya hi ka Moya, a hi fambeni hi ka Moya.

Va le Galatia 6:16

A kurula ni wuxinji a kuve ka vontlhe lava va ta nga famba hi nayo lowu, ni ka vaIsraeli va Nungungulu. Tis. 125:5

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

Deuteronome 10:16

Enghenisani wukwera a timbilu ta nwina, mu nga nonohisi tinhamu ta nwina;

Deuteronome 30:6

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. Jer. 4:4; Ezek. 11:19; Rom. 2:29; Fil. 3:3

Va le Filipi 1:1

Paule na Timote, a malanza ya Jesu Kristu, ha losa a vobasa ka Kristu Jesu, lava va nga le Filipi, zinwe ni varisi ni madikoni, hiku:

Va le Filipi 3:12

A hi lezaku nzi sina nzi ku kumile, kutani nzi sina nzi mbhelele; kanilezi nzi tsimbeketa nziya mahlweni, lezaku kutani nzi ta zi khoma lezi nzi nga khomelwa zona hi Kristu Jesu. 1 Tim. 6:12; Maheb. 12:23

Va le Filipi 3:14

nzi tsimbeketa mahlweni xiwindini nzi kala nzi ya kuma a nchachazelo wa kuvitanwa ku tlakukileko nzi nga vitanelwa kona hi Nungungulu ka Kristu Jesu. 2 Tim. 4:7, 8; Maheb. 3:1; 12:1

Va le Kolosi 2:11

Ka yena mu enghenisilwe wukwera hi wukwera legi gi nga mahiwangiko hi mandla, kanilezi a wukwera ga Kristu, legi gi mahiwako hi ku tlhatlha a miri wa nyama, Deut. 10:16; Rom. 6:6

Juda 1:20

Kanilezi nwina, varanzekako, ti akeni kukholweni ka nwina loku ku basileko, mu khongela hi Moya wa ku Basa; Kol. 2:7