Va le Filipi 3:2 - Tshwa Bible

² Ti woneleni ka timbyana, ti woneleni ka zitiri za kubiha, ti woneleni ka lava vo ti tsemelela. Rom. 2:28; Gal. 5:2, 15

Va le Filipi 3:2 교차 참조

Tisimu 119:115

Sukani ka mina, nwina vobiha, A kuva nzi hlayisa a zileletelo za Nungungulu wa mina.

Tisimu 22:16

Hakuva a timbyana ti nzi ranzele, A xidlemo xa vakubiha xi nzi ranzele; Va tlhavile a mandla ya mina ni mikonzo ya mina. Mar. 15:20; Lu. 23:33; Miti. 2:23

Tisimu 22:20

Nzi hlangute supadwini, U ponisa wutomi ga mina ka timbyana.

Mavingu 26:11

Khwatsi hi mbyana yi tlhelako yiga mahlata ya yona, inghaho ni xipumbu xi tlhelelako wupumbyini ga xona.

Mateu 24:10

Kwalaho ku ta khubeka vanyingi; va ta nyiketana ni ku vengana.

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Mateu 7:6

Mu nga nyiki timbyana lezi zi basileko, hambu ni ku hoxa maperola ya nwina ka makhumba, ma nga taku ma ma kanzihela lahasi hi mikonzo ya wona, ma mu hunzulukela ma mu hanzula. Mav. 9:7, 8; Miti. 13:45, 46

Va le Roma 2:28

Hakuva a muJuda wa zinene, a hi yena a nga yena hi lahandle ntsena; hambu ni wutshiva a hi legi ga nyama. Mat. 3:9; Joh. 8:39; Gal. 6:15

2 Va le Korinte 11:13

Hakuva a vakunghahi mbapostoli va mawunwa, zitiri zi khohlisako, va ti maha wutsumbu gabye a kuva vapostoli va Kristu.

Va le Galatia 5:13

Vamakabye, mu vitanelwe kutlhatlheka; kanilezi mu nga tirisi a kutlhatlheka ka nwina lezaku mu famba hi ka nyama, kanilezi tirelanani hi liranzo. 1 Ped. 2:16

Va le Galatia 5:15

Kanilezi loku mu lumana ni ku khadamulana, tlharihani mu nga hetana ha nwece.

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

1 Timote 1:19

u khomisisa a kukholwa ni livalo li nene, leli vanwani va li tsikileko, va lahlekelwa hi kukholwa kabye.

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

2 Pedro 2:22

Ku humelele ka vona kota lisine la vingu legi gi nge ngalo: A mbyana yi tlhelele mahlateni ya yona, ni khumba legi gi hlazilweko gi tlhela gi ya puluwunza nzhopeni. Mav. 26:11

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14