Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.
Aku ngalo kabye: Hakunene a gombe ga mina mu ta ginwa; kanilezi a nzi na ntamu ku mu tshamisa reveni ga mina ga xinene ni ga xibhabha; zi lumba lava ku longiselelweko vona hi Dadani. Xip. 25:34; Miti. 12:2
A ku na munhu a nzi tekelako kona, kanilezi nza ku nyikela ha nzoce. Nzi na nzi ntamu ku ku nyika, nzi na ni ntamu wa ku tlhela nzi ku teka. Nzi leletelwe lezo hi Dadani. Xip. 2:19; 6:38; 15:10; Miti. 2:24, 32
A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29
Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18
Hakuva vona lava a nga va tiva hi kale, valava i lo va yimisa hi kale a ku ecana ni xiyimo xa Nʼwana wakwe, lezaku a fela ku maha matewula xikari ka vamakabye vanyingi. Ekso. 33:12; Joh. 17:22; Efe. 1:5; Kol. 1:18
Hakuva hambu lezi a nga belelwa hi kota ya gome, yena wa hanya hi ntamu wa Nungungulu. Hakuva na hina hina ni gome ka yena, kanilezi hi ta hanya zinwe naye hi ntamu wa Nungungulu xikari ka nwina. Rom. 6:4; Xip. 10:3, 4; Fil. 2:7, 8; 1 Ped. 3:18
Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15
hi kala hina hontlhe hi chikela kuzwaneni ka kukholwa, ni ka ku tiva a Nʼwana wa Nungungulu, ni ka wudota gi mbheleleko, ni ka lipimo la xiyimo xi mbheleleko xa Kristu; Kol. 2:2
Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2
Makunu nza tsaka kuxanisekeni ka mina, loku nzi xanisekako hi kota va nwina; nzi tatisa nyameni ya mina lezi zi nga sele a kuxanisekeni ka Kristu hi kota ya miri wakwe, wu nga bandla gakwe. Efe. 1:23; Fil. 3:10
Na nwina lava mu nga file hi kota ya zihambuko za nwina ni wukhuna ga nyama ya nwina, i lo mu vuxa zinwe naye; na a tsetselela zihambuko zontlhe za hina.
Zonake loku mu vukile zinwe na Kristu, ngha mu hlota a zilo lezi zi nga le hehla, laho Kristu a nga kona, na tshamile hi le reveni ga xinene ga Nungungulu. Mat. 6:33; Efe. 2:6
A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18
Kanilezi ni wihi a hlayisako a mhaka yakwe, hakunene a liranzo la Nungungulu li mbhelelisilwe ka yena. Hi laha hi zi tivako lezaku hi kona ka yena. Joh. 14:23
ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9
