Va le Filipi 2:6 - Tshwa Bible

⁶ loyi, hambu lezi a nga hi xiyinweni xa Nungungulu, a nga alakanyangi lezaku a ku ecana ni Nungungulu xilo a faneleko ku namarela ka xona. Isa. 9:6; Joh. 1:1, 2; 2 Kor. 4:4; Kol. 1:15

Va le Filipi 2:6 교차 참조

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 8:8

I ta enghena tikweni ga Juda kota ntalo, a kukuleta a kala a chikela mikolweni ya vanhu; a kutshambulutwa ka tipapa takwe ku ta fenengeta kuanama kontlhe ka tiko ga wena, o Immanueli!

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 10:30

Mina na Dadani hi munwe.

Johani 10:33

A vaJuda va lo mu hlamula, vaku: A hi ku gandli hi kota ya ntiro wo saseka, kanilezi hi kota ya tihlamba; lezi wena na u hi munhu, u ti maha Nungungulu. Xip. 5:18

Johani 10:38

kanilezi loku nzi kari nzi yi maha, hambu loku mu nga kholwi ka mina, kholwani hi mitiro; kasi mu fela ku tiva ni ku vumela lezaku Dadani i kona ka mina, na mina ka Dadani. Xip. 5:36; 14:10, 11

Johani 14:28

Mu zwile lezi nzi ngaku ngalo ka nwina: Nza famba, nzi tlhela nzi wuya ka nwina. Loku mu wa nzi ranza, mu wa ta tsaka hilezi nzi yako ka Dadani; hakuva Dadani ngwa hombe a ku hunza mina. Xip. 10:30; 16:16; Fil. 2:6

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

Johani 17:5

Makunu, Dadani, nzi dumise le ka wena hi wudumo legi nzi ngha nga nzi hi nago ka wena, a misava na yi nga seva kona.

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Johani 5:18

Hikwalaho ka mhaka leyi a vaJuda va lo hlota ku mu daya, hakuva a nga tshovangi sabado ntsena, kanilezi i lo vitana Nungungulu aku i Raru wakwe, a ti maha a ecana ni Nungungulu. Xip. 7:19; 10:30; Fil. 2:6

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Va le Roma 9:5

A vakokwani vabye; Kristu i lo huma kabye hi ka nyama, loyi a nga hehla ka zontlhe, Nungungulu loyi a bongiwako kala kupinzuka. Amen. Deut. 10:15; Joh. 1:1; Miti. 20:28

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 1:6

Kambe laha a ta nga enghenisa a wa matewula laha misaveni i ngalo: A tingelosi tontlhe ta Nungungulu a ti mu khizamele. Rom. 8:29; Kol. 1:18; 1 Ped. 3:22

Maheberu 1:8

Kanilezi hi Nʼwana i ngalo: Nungungulu, a xitshamu xa wena xa wuhosi xa kala kupinzuka, A nhonga ya wena ya wuhosi i nhonga ya nongameto. Tis. 45:6, 7

Maheberu 13:8

Jesu Kristu hi yaloyi wa tolo ni nyamutlha ni ku kala kupinzuka. Joh. 8:58; Kuv. 1:4

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17