Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.
A wasati a nga hi Lidia a vito gakwe, a muxavisi wa ziwunguwungu, wa le mutini wa Tuatira, loyi a chavako Nungungulu, i lo hizwa; zonake a Hosi yi lo mu vulula mbilu lezaku a ingisa lezi zi nga kanelwa hi Paule. Lu. 24:45
Mina nzi lo tsala lezi zilo, kasi loku nzi tile nzi nga tava ni wusiwana hi lava nzi faneleko ku tsaka ha vona, hakuva nzi wa tsumba lezaku a kutsaka ka mina kutsaka ka nwina nwentlhe. Gal. 5:10
ku nga taku loku vata na mina a va le Makedonia, va ta mu kuma na mu nga longangi, hina hi chelwa tingana kutsumbeni loku, a nzi wuli tingana ta nwina.
Mina nza mu tsumba Hosini lezaku mu nga ta alakanya zimbe; kanilezi loyi a mu karatako i ta rwala a kukoneka kakwe, hambu a hi mani. 2 Kor. 8:22; 10:6; Xip. 1:7
Hakuva hi kota ya Kristu mu nyikilwe a thomo a kuva mu kholwa, na ku nga hi lezi ntsena, kanilezi mu nyikilwe a thomo ga ku xaniseka hi kota va vena. Miti. 5:41; Rom. 5:3; Efe. 2:8
Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.
na mu khomisile a mhaka ya wutomi. Zonake nzi tava ni nchumu wa ku ti kulisa ha wona sikwini ga Kristu, wo komba lezaku a nzi tsutsumangi mahala hambu ku tira mahala.
na mu lahlilwe zinwe naye hi kubapatizwa, mu tlhela mu vuxiwa zinwe naye hi ku kholwa a ntamu wa Nungungulu, loyi a nga vuxa Kristu hi ka vafileko. Rom. 6:4; Efe. 3:7
Xontlhe xikhati hi alakanya a ntiro wa nwina wa kukholwa, ni kupinyama ka liranzo, ni kutiya ka nwina kutsumbeni ka Hosi ya hina Jesu Kristu, a mahlweni ka Nungungulu a Dadani wa hina. Joh. 6:29; Gal. 5:6; Xip. 3:6; 2 Tes. 1:11; Maheb. 6:10; Jak. 2:17
Hi kota ya lezo hina ha mu khongelela xontlhe xikhati, lezaku a Nungungulu wa hina a fela ku wula lezaku mu fanele a kuvitanwa ka nwina, a tira hi ntamu wakwe yontlhe mixuvo yo saseka ni mitiro yontlhe ya kukholwa nzeni ka nwina;
na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26
A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21
Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11
