24 Gideoni kambe aku kabye: Mina nzo kombela munwe ni munwani wa nwina, lezaku a nziha xingwavila xa nzalama, lezi mu zi phangileko. Hakuva a vaMidiani va wa hi ni zingwavila za nzalama, kota lezi va nga hi vaIxmaeli.
Zonake loku a makameli ma mbhetile kunwa, a wanuna i lo teka a phera ya nzalama, a kutika ka yona ku wa hi khihlanya ga xekeli, ni zingwavila zimbiri za khume ga maxekeli kutika, i lo ma enghenisa canjeni gakwe.
Ni nanza gi lo humesa a zibya za siliva ni nzalama, ni tinguwo, i lo zi nyika ka Rebeka; i lo nyika kambe ka Labani makabye wakwe ni nyine wakwe a zinyikiwo za tsengo wa hombe.
Va lo hendleleta ka Jakobe vontlhe vanungungulu va matiko, lava va nga wa hi navo, ni zingwavila lezi zi nga wa hi tindleveni tabye, Jakobe i lo zi kolela lahasi ka nkuhlu lowu wu nga wa hi kusuhani ni le Xekemi.
Zonake va to tshama lahasi vaga. Lokuloku va lo tlakusa a mahlo yabye va wona a ntlawa wa va ka Ixmaeli na vata hi le Gileadi, na va hi ni makameli na ma rwele a hlakati ni makha, na vaya nazo le Gipite.
Laha va nga wa hunza va mahungani va maMidiani, va lo humesa Josefa hi lomu rinzini, zonake va lo mu xavisa ka vaIxmaeli hi mali yo basa ya 20 wa maxekeli. A vamahungani va lo famba na Josefa le Gipite.
I lo zi amukela, a zi nyekisa, a zi vatla hi nzhemo, ku huma a role ga nzalama yi nyekisilweko. Zonake vaku: Hi loyi nungungulu wa wena, Israeli, loyi a ku humesileko tikweni ga Gipite. Tis. 106:19
Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!
Va wa ti kulisa hi kota ya wumbhuri ga siliva yabye ni nzalama; kanilezi va mahile hi zona a zifananiso za manyalataniso yabye ni zilo zo tshisa. Hikwalaho nzi zi mahile a zilo zo nyenyeza ka yona.
Ina nzi nga teka zibaba za mina, ni mati ya mina, ni nyama ya mina, lezi nzi longiseleko vakayi va mina, nzi nyika a vanhu lava nzi nga va tiviko lomu va humako kona ke?