Valamuli 7:19 - Tshwa Bible

¹⁹ Zinghaho Gideoni i lo famba ni 100 wa vavanuna lava va nga wa hi zinwe naye, va ya chikela le magumo ka wugovelo kusanguleni ka xirinzo xa laha xikari ka wusiku, na varinzeli va ha ku vekiwa. Va loba mipunzu, va faya a timbita leti va nga wa welele.

Valamuli 7:19 교차 참조

Tisimu 2:9

U ta va tshova hi nhonga ya xiketse, U ta va fayetela kotisa a mbita ya muwumbi. Kuv. 2:27; 12:5; 19:15

Tisimu 90:4

Hakuva a khume ga mazana ya malembe mahlweni ka wena, Me khwatsi hi siku ga tolo loku gi hunzile; Ma fana ni kurinza ka wusiku, 2 Ped. 3:8

Eksodusi 14:24

Zonake hi xikhati xa laha mixweni, Jehova i lo cuwuka a yimpi ya vaGipite hi lomu mhingeni ya nzilo, zonake a vilinganyisa a yimpi ya vaGipite;

Mateu 25:6

Kanilezi xikari ka wusiku ku lo zwala a gezu giku; Langutani, wata muyeni! Humani muya mu khinga. Xip. 24:31; 1 Tes. 4:16

1 Va le Tesalonika 5:2

Hakuva nwina ma zi tiva khwatsi lezaku a siku ga Hosi gita kota khamba ni wusiku. Kuv. 3:3

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18

Valamuli 7:16

I lo avanyisa a vavanuna lavo va 300 va maha mitlawa minharu, munwe ni munwani a mu nyika a mpunzu ni mbita ya phanga ni nwenge lomu mbiteni.

Valamuli 7:18

Loku nziba mpunzu, zinwe ni vontlhe lava va nga na mina, nwinawu vanani mipunzu ka wontihe matlhelo ya wugovelo, na muku: Supado ya Jehova ni ya Gideoni.

Valamuli 7:20

A mitlawa yontlhe ya yinharu yi loba mipunzu na va faya timbita, loyi ni loyi a welele a nwenge canjeni gakwe ga xibhabha, ni mpunzu canjeni ga xinene, na vaba huwa, vaku: Supado ya Jehova ni ya Gideoni!