63 Nzi xaka ga vontlhe lava va ku chavako; Ni lava va hlayisako zileletelo za wena.
A mahlo ya mina ma cuwuka a vakholekileko lomu tikweni, Lezaku va ta tshama zinwe na mina. Loyi a fambako hi ndlela yi mbheleleko i ta nzi tirela.
Sukani ka mina, nwina vobiha, A kuva nzi hlayisa a zileletelo za Nungungulu wa mina.
Lava va ku chavako a va tlhelele ka mina, Ni lava va tivako wumboni ga wena.
Hi kota ya vamakabye ni vanghana va mina Nzi taku: A kurula a kuve na wena.
Humesa muhefemulo wa mina lomu paxweni, Kasi nza dumisa vito ga wena. A vakululama va ta nzi ranzela, Laha u ta nga nzi mahela tipswalo.
A vakubasa lava va nga laha misaveni, Hi vona nzi va hlayako vahombe, nzi xalalako ha vona.
Hlengela ni tlhari, u tava tlhariwo; anilezi loyi a mahako wunghana ni zipumbu i ta lobyiswa.
lexi hi xi wonileko ni ku xizwa, hi lexo hi bako hungu ka nwina ha xona, kasi na nwinawu mu fela ku hlengela zinwe na hina; ina, a kuhlengela ka hina ku zinwe na Dadani ni Nʼwana wakwe Jesu Kristu. Miti. 4:20; 1 Kor. 1:9
Hina ha zi tiva lezaku hi humile kufeni hi enghena kuhanyeni, hakuva ha ranza vamakabye. Loyi a nga ranziko wa ha tshamile kufeni.
