125 Nzi nanza ga wena, nzihe kupimisisa, Kasi nza fela ku tiva zikhumbuxeto za wena.
Jehova, hizinene, nzi nanza ga wena, Nzi nanza ga wena, a nʼwana wa nanza ga wena ga xisati; Wena u tlhatlhile a magota ya mina.
Nza fihla mhaka ya wena mbilwini yanga, Lezaku nzi nga ku onheli.
A ndlela ya mawunwa a yive kule na mina, U nziha hi tipswalo ku tiva a nayo wa wena.
Nzihe kupima, nzi ta hlayisa a nayo wa wena, Futsi, nzi ta wu hlayisa hi mbilu ya mina yontlhe.
Nzi gonzise kupimisisa ni wutivi, Hakuva nza kholwa zileletelo za wena.
Nzi wa wena, nzi hlangute; Hakuva nza hlota zileletelo za wena. Rom. 14:8; 1 Kor. 6:20
Nzi hunzulukela, u nzi mahela wuxinji; Nyika a ntamu wa wena ka nanza ga wena, U ponisa a nʼwana wa nanza ga wena ga xisati.
A wutlhari ga loyi a tlharihileko hi ku tivisisa a ndlela yakwe; anilezi a wupumbu ga zipumbu hi khohlakalo. Efe. 5:15
A masangulo ya wutlhari hi ku chava Jehova; i ku tiva Loyi a Basileko, kupimisisa.
Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.
Ehleketa lezi nzi zi wulako, a Hosi yi ta ku nyika kutlhariha timhakeni tontlhe.
Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23
