Obadia 1:14 - Tshwa Bible

¹⁴ U nga yimi mahanzakanyeni ya tindlela kasi ku daya a vanhu vakwe lava va tsutsumako, ni kambe u nga nyikeli a misalela yakwe hi siku ga hlomulo.

Obadia 1:14 교차 참조

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

Tisimu 31:8

A ku nzi nyikelangi mandleni ya nala; U yimisile a mikonzo ya mina wutshanwini gi anamileko.

Isaya 16:3

Vaku: Hihe wusungukati, tshanza nongameto; Maha nzhuti wa wena wuku khwatsi munyama laha hlikanhini; Fihla vahlongolweko, u nga nyikeli lava va tsutsumako.

Isaya 16:4

A vahlongolweko va le Moabi a va luvele ka wena, Uva wuchavelo gabye nghoheni ya muhlaseli. Haxuva a muxanisi i ta gumelwa, a kuphanga ku ta fuva, Ni vatsimbeketi va ta suka lomu tikweni.

Isaya 37:3

va yaku kakwe: Hezekia e ngalo: Inyamutlha i siku ga hlomulo, ni ga kulayiwa, ni ga tingana; hakuva a vanana va chikelelwe hi xikhati xa kuhefemulwa, kanilezi a ntamu wa ku va beleka a wu kona.

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Amosi 1:6

Jehova i ngalo: Hi kota ya zionho zinharu za Gaza, kutani mune wa zona, nzi nga ta susa a xitsayiso; hakuva va tekile tihloko to tala, va ya ti yisa le Edome. 2 Kro. 21:18; Jer. 47:5

Amosi 1:9

Jehova i ngalo: Hi kota ya zionho zinharu za Tire, kutani mune wa zona, nzi nga ta susa a xitsayiso, hakuva va nyikele vontlhe a vanhu ka Edome, va nga alakanyi a xivumelwano xa wumakabye.

Obadia 1:12

Kanilezi wena u nga cuwuki a siku ga nakuloni, gi nga siku ga khombo gakwe, u nga tsakeli a siku ga kulobyiswa ka vanana va ka Juda, kambe u nga wulawuli hi ku ti kukumukisa a sikwini ga kuxaniseka.

Mateu 22:9

Hikwalaho fambani mahanzakanyeni ya tindlela, mu ya ramba vontlhe lava mu ta nga va kuma.