55 Kanilezi loku mu nga hlongoli vaaki va tiko mahlweni ka nwina, mu va tsika va tshama xikari ka nwina, vona va ta kota mizwa mahlweni ya nwina, va ku khwatsi mitlonga mareveni ya nwina, va mu karata ka tiko legi mu ta nga aka ka gona. Jox. 23:13; Vala. 2:3
Vona va nga aki lomu tikweni ga wena, va nga dzuka va ku onhisa mahlweni ka mina; hakuva loku u khozela a vanungungulu vabye, zonake va tava phanya ka wena.
Ku nga ha ta kuva kona a hlehlo gi tlhavako a ka yindlu ya ka Israeli, hambu a muiwa wu bayisako xikari ka lava va yi ranzeleko, va yi kanyisa; va ta zi tiva lezaku hi mina Hosi Jehova.
Hi kota ya ku kasi nzi nga ti kukumukisi hi kuvululelwa loku ka hombe, nzi lo nyikiwa a muzwa lomu nyameni, a ntsumi wa Satani wa ku nzi tshekulela lezaku nzi nga ti kukumukisi hi ku hunzeleta nzheko. Ezek. 28:24; Gal. 4:13
Wena u ta heta wontihe matiko lawa Jehova Nungungulu wa wena a ku nyikileko wona, u nga ta va hawukela. Kambe u nga khozeli vanungungulu vabye, hakuva lezo zi tava ziyo ka wena.
Hakuva va ta hambukisa a vana va wena va nzi fularela, zonake va ya khozela vanwani vanungungulu, kwalahoke a zanga ya Jehova yi ta vura hehla ka nwina yi mu lovisa hi kuhatlisa.
Mu nga hlengeli ni matiko lawa maseleko xikari ka nwina; mu nga dzuki mu kumbuka mavito ya vanungungulu vabye, ge hambu ku hlambanya ha vona; mu nga dzuki mu va khozela ni ku va khizamela.
Hikwalaho minawu nzite: Nzi nga ta va hlongola mahlweni kanwina, kanilezi va ta kota mizwa lomu mareveni ya nwina, a vanungungulu vabye va tava ziyo ka nwina.
