62 A tsengo wabye va wa hi 23,000, vontlhe vavanuna, kusukela ka lava va nga hi ni hweti yinwe a wukale ni ku hunza; hakuva vona a va patsiwangi ka tsengo wa vanana va ka Israeli, hilezi vona a va avelwangi tshomba zinwe ni vanana va ka Israeli.
A tsengo wa vontlhe vaLevi, lava va hlayilweko hi Mosi na Aroni hi tinyangwa tabye kota kuleletela ka Jehova, vontlhe vavanuna kusukela ka lava va nga ni hweti yinwe a wukale, kala ka lava va nga le mahlweni, va wa hi 22,000.
A mitiro yontlhe ya vanana va ka Gerxoni yi ta rumiwa hi Aroni ni vana vakwe, hambu lezi va ta nga rwala, hambu ni lezi va ta nga tira: mu ta va yimisa a ku hlayisa zontlhe lezi va ta nga rwala.
Hikwalaho a vaLevi a va na ku avelwa tshomba zinwe ni vamakabye vabye. Tshomba yabye hi Jehova, khwatsi hi lezi Jehova Nungungulu wa wena a mu byelileko. Mitse. 18:20; Jox. 18:7
Ntsena lezaku a lixaka la ka Levi a nga va nyikangi a tshomba; a tshomba yabye hi miphahlo leyi yi hiselwako Jehova Nungungulu wa ka Israeli, khwatsi hi lezi a va byelileko. Deut. 10:9; Ezek. 44:28
Hakuva Mosi i wa sina a nyikile a tshomba ka tinyangwa leti ta timbiri, ni ka khihlanya ga nyangwa le tlhatuko wa Jordani; kanilezi ka vaLevi a nga nyikangi tshomba xikari kabye.
