Mitsengo 16:40 - Tshwa Bible

⁴⁰ ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Mitsengo 16:40 교차 참조

Ezra 2:62

A mavito yabye ma lo labyiwa lomu mitsalweni ya lixaka labye va nga ma kumi, zonake va lo humeswa lomu wupristini gabye.

Tisimu 115:10

Nwina yindlu ya ka Aroni, tsumbani Jehova, Hi yena muvuni wabye ni xitlhangu xabye.

Ezekieli 40:46

A tsawu legi gi cuwukako tlhelo ga Nwalungu nja vapristi lava va wumbelweko ku hlayisa a alati; lava hi vana va Zadoke, va nga vona a xikari ka vana va ka Levi va tshinelako ka Jehova kasi ku ta mu tirela. 1 Sam. 2:35; 1 Tih. 2:35

Ezekieli 43:19

U ta nyika a vapristi va ka Levi va nyimba va Zadoke, lava va tshinelako mahlweni ka mina kasi ku nzi tirela, ku wula Hosi Jehova, u va nyika a honwana a kuva a munyikelo wa kuonha.

Levi 22:10

Loyi a nga hiko wa ngango wa mupristi, a nga dzuki aga a zilo lezi zi basileko; a mupfhumba loyi a tshamako ka mupristi, ni xitiri lexi xi nga ni hakhelo, va ngagi a zilo lezi zi basileko.

Mitsengo 1:51

Kasi loku a tabemakeli gi Suka, a vaLevi va ta gi tlhatlha, ni loku a tabemakeli gi yimiswa, a vaLevi va ta gi zimekela; kanilezi a wamatiko loye a tshinelako kusuhani ka gona i ta dawa.

Mitsengo 16:39

Zinghaho mupristi Eliazare i lo teka a zibya lezo za suku zi nyikelweko hi lava va hisilweko, zi tlombiwa va nameketa ha zona a alati,

Mitsengo 3:10

Kanilezi Aroni ni vana vakwe u ta va yimisa lezaku va tira a ntiro wa wupristi; kanilezi a wamatiko loye a ta nga tshinela laho i ta dawa.

Mitsengo 3:38

Kanilezi Mosi na Aroni ni vana vakwe va wa gova le mahlweni ka tabemakeli tlhelo ga Mutsuwuka-gambo, va hlayisela a vanana va ka Israeli a wutshamu ga kubasa; kanilezi a wamatiko loyi a tshinelako ka gona i ta dawa.

Maheberu 5:4

Kambe a ku na munhu a ti tekelako a xikhundla lexi, sine loku a vitanilwe hi Nungungulu, kota yena Aroni. Ekso. 28:1; 1 Sam. 13:9; Joh. 3:27

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21