29 Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.
Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16
Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:
Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.
Makunu Jetro, a mupristi wa le Midiani, muxade wa Mosi, i lozwa hi zontlhe lezi Nungungulu a zi mahileko ka Mosi ni vanhu vakwe va ka Israeli, ni lezaku Jehova i humesile Israeli le Gipite.
Zonake Jetro, muxade wa Mosi, i lo nyikela munyikelo wo hiswa ni miphahlelo ka Jehova; Aroni ni masingalakati wontihe ya vaIsraeli va lo taga zibaba ni muxade wa Mosi mahlweni ka Nungungulu.
Mosi i wa risa tiyivu ta Jetro muxade wakwe, mupristi wa le Midiani. I lo gula a tlhambi aya tlhelo ga le xiwuleni, a ya chikela xitsungeni xa Nungungulu le Horebe.
Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18
A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.
Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.
Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2
Kanilezi a nga mu nyikangi tshomba ka gona, ge, hambu ni ya ku veka konzo wakwe kona; kanilezi i lo mu tsumbisa lezaku i ta gi nyika kakwe, giva gakwe ni ga pswalo wakwe, hambu lezi a nga ngha a nga seva na nʼwana. Gen. 12:7; 15:3; 17:8; 26:3
Na Jehova Nungungulu wa wena i ta ku wuyisa ka tiko legi vararu va wena va nga wa gi fumela, zonake wenawu u ta gi fumela, na yena i ta ku katekisa, ni ku ku anzisa ku hunza vararu va wena.
hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.
lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.
A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9
A vana va Keni, a muxade wa Mosi, va wa sukile mutini wa micinzu zinwe ni vana va Juda, vaya le xiwuleni xa Juda le Dzongeni ga Arade, va ya aka ni vanhu va kona. Ekso. 18:1; Deut. 34:3; 1 Sam. 15:6
Makunu Hehera a muKeni i wa ti hambanyisile ni va ka kabye, a vanana va Hobaba, muxade wa Mosi, a ya zimeka a tenda gakwe kusuhani ni nkuhlu wa le Zananime, kusuhani ni le Kedexi.
Saule i te ngalo ka vaKeni: Sukani, mu huma xikari ka vaAmaleki, nzi nga mu patsa navo nzi mu hlasela; hakuva nwina mu kombisile wunene ka vontlhe va ka Israeli xikhatini lexo va nga wata hi le Gipite. Zinghaho a vaKeni va lo huma xikari ka vaAmaleki.
