Mitiro 28:28 - Tshwa Bible

²⁸ Hikwalaho ngha zi tiveka ka nwina, lezaku a kuhanvisa loku ka Nungungulu ku rumelwe ka vamatiko, vona va ta ingisa. Mat. 21:41, 43; Xip. 13:46-47; Rom. 11:11

Mitiro 28:28 교차 참조

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Ezekieli 36:32

Zi tiveni lezaku a nzi mahi lezi hi kota ya nwina, ku wula Hosi Jehova. Ngha muva ni tingana, mu kanganyiseka hi kota ya tindlela ta nwina va yindlu ya ka Israeli.

Luka 3:6

Zonake a nyama yontlhe yi ta wona a kuhanyisa ka Nungungulu. Tis. 98:2; Isa. 52:10; Xip. 2:10

Mitiro 11:18

Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.

Mitiro 13:26

Vamakabye, vana va lixaka la ka Abrahama, ni vona lava xikari ka nwina va chavako Nungungulu, a mhaka ya kuhanyisa loku yi rumelwe ka hina.

Mitiro 13:38

Hikwalaho, vamakabye, ngha zi tiveka ka nwina, lezaku ha yena ku biwa hungu ka nwina hi kutsetselelwa ka zionho.

Mitiro 14:27

Laha va nga wa chikele, va lo tsombanyisa a handla, va hlawutela zontlhe lezi Nungungulu a zi mahileko ha vona, ni lezaku i vululele a vamatiko a nyangwa ya kukholwa. Xip. 15:4, 12; 1 Kor. 16:9

Mitiro 15:14

Simoni i hlawutele lezi Nungungulu a nga ranga a enzela a vamatiko, a ku ti tekela xikari ka vona a vanhu va ta nga vitanwa hi vito gakwe.

Mitiro 15:17

Kasi a vanhu va seleko va fela ku lava Hosi, Ni vamatiko vontlhe lava va vitwako hi vito ga mina,

Mitiro 18:6

Kanilezi laha va nga kaneta, va rukatela, i lo zuza a tinguwo takwe, aku ngalo kabye: A nkhata wa nwina a wuve hehla ka tihloko ta nwina venyi; mina nzi basile, a kusukela lezi nzi taya ka vamatiko. Xip. 13:45; 28:28; Ezek. 33:9; 1 Ped. 1:4

Mitiro 2:14

Kanilezi Pedro i lo suka, a yima zinwe ni vakhume ni munwe, a tlakusa gezu, a kanela kabye, aku: Nwina madota ya le Judia, na nwina nwentlhe lava mu akileko Jerusalema, ngha na mu tiva lezi, mu ingisa a timhaka ta mina.

Mitiro 22:21

Aku ngalo ka mina; Famba, hakuva nzi ta ku rumela kule, uya ka vamatiko. Xip. 9:15; 13:2; Rom. 1:5; 1 Tim. 2:7

Mitiro 28:29

Loku a va byelile lezo, a vaJuda va lo suka, na va kari va kanetisana xikari kabye.

Mitiro 4:10

ngha zi tiveka ka nwina nwentlhe, ni ka vanhu vontlhe va ka Israeli, lezaku loyi munhu a yimileko mahlweni ka nwina, i hanyisilwe hi vito ga Jesu Kristu wa le Nazareta, loyi nwina mu nga mu belela, loyi Nungungulu a nga mu vuxa hi ka vafileko. Xip. 3:6

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Va le Roma 11:11

Zonake nzi ngalo: Xana va lo khunguvanyeka lezaku va wela magumo ke? Kokwihi! Kanilezi hi kuwa kabye a kuhanyiswa ku chikele ka vamatiko, kasi a vaIsraeli vava ni xiluse. Ezek. 18:23; 33:11; Miti. 13:46

Va le Roma 4:11

I lo amukela a xikombiso xa ku enghena wukwera, xi maha xifungo xa kululama ka kukholwa loku a nga hi nako na a nga seva xitshiva. Lezaku kasi a fela ku maha raru wa vontlhe va kholwako, hambu loku va hi makhuna, kasi a kululama ku fela ku hlayelwa ka vona. Gen. 17:10; Lu. 19:9; Joh. 8:39