33 A nduna ya hombe ya yimpi yi lo tshinela, yi mu khoma yi laya lezaku a bohiwe hi mangenje mambiri; zonake yi lo wutisa aku himani, niku i mahile yini. Xip. 20:23; 21:11
Laha Herodi a nga lava ku mu humesa, gwalego wusiku Pedro i wa etlele xikari ka masochwa mambiri, na a bohilwe hi mangenje mambiri; a varinzeli na va yimile laha nyangweni va rinzela paxo.
Na a chikele ka hina i lo teka a bhandi ga Paule, a ti boha mikonzo ni mandla, aku ngalo; Moya wa ku Basa wu ngalo; Loyi a nga nwinyi wa bhandi legi, a vaJuda va ta mu bohisa lezi le Jerusalema, va mu nyikela mandleni ya vamatiko. Xip. 20:23; 21:33
Lava va nga lava ku mu hlola hi ku muba va lo suka hi xihatla; na yona nduna ya hombe yi lo chava laha yi nga zi tiva lezaku muRoma, ni lezi yi nga wa mu bohile.
Kanilezi hi manziko wa kona, na yi lava ku tiva a zinene za mhaka leyi Paule a nga kecariwa ha yona hi vaJuda, yi lo mu tlhatlha, yi laya a vapristi va hombe ni hubye yontlhe a kuva va tsombana, zonake yi lo tisa Paule, yi mu yimisa mahlweni kabye.
Nzi lo hlamula nziku, a hi mukhuwo wa vaRoma ku tsayisa munhu loyi a kecariwako, na a nga se ku wonana ni lava va mu kecarako, a kuma xikhati xa ku ti hlamulela ka mhaka leyi a kecariwako ha yona.
Paule aku ngalo: Hambu ti hi ti tsongwani kutani to tala, nza kombela ka Nungungulu lezaku ku nga hi wena wece, kanilezi ni vontlhe lava va nzi zwako nyamutlha, ngha mu kota mina, ahandle ka lezi ziboho. 1 Kor. 7:7
Hikwalaho nzi mu vitanile a kuva nzi ta mu wona, nzi wulawula na nwina; hakuva nzi bohilwe hi mangenje laya hi kota ya kutsumba ka Israeli. Xip. 26:6, 7; Efe. 3:1; 2 Tim. 1:16
Nzi fanele a kuva nzi alakanya lezo ha nwina nwentlhe, hakuva nzi na nwina mbilwini ya mina; hakuva hambu lomu makhotsweni ya mina, kutani loku nzi yima nzi vikela ivangeli ni ku yi tiyisa, nwina nwentlhe mu vahlengeli va tipswalo zinwe na mina. Efe. 3:1; 6:20; Xip. 4:14; Kol. 4:3; 2 Tim. 1:8
Ngha na Hosi yiva ni wuxinji ka yindlu ya Oniseferusi; hakuva i nzi tangalisile zikhati zinyingi, i wa nga hi na tingana hi kota ya makhotso ya mina. Mat. 5:7; File. 7
Vona va ku ngalo kakwe: Ahihi; hina hi ta ku boha ntsena, hi ku nyikela kabye; cima hi nga ta ku daya. Va lo mu boha hi magota mambiri ya maswa, va huma naye lomu ribyeni.
Delila i lo teka magota ya maswa a mu boha ha wona, aku kakwe: Samsoni, hi lawa maFilistia. A valaveleli va wa hi lomu ndlwini. I lo bhewula magota lawo ma nga bohile mawoko yakwe, khwatsi lihinza.
A maFilistia ma lo mu khoma, ma mu xokolela mahlo, ma relela naye le Gaza; va lo mu boha hi tisenga timbiri ta suku. I lo gaya lomu paxweni. Ekso. 11:5; 2 Tih. 25:7
