Mitiro 20:35 - Tshwa Bible

³⁵ Hi zilo zontlhe nzi lo mu kombisa, lezaku hi ku tira lezo mu yimelwe hi ku vunetela lava va nga ni gome, ni ku alakanya a timhaka ta Hosi Jesu, leti yena wutsumbu a nga wula, aku: Ku katekile ku nyika ku hunza ku nyikiwa. Rom. 15:1; 1 Kor. 9:12; Efe. 4:28

Mitiro 20:35 교차 참조

Mavingu 19:17

Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. Mat. 10:42; 25:40

Isaya 32:8

Kanilezi a munhu nene i alakanya zinene, I simamisa a yima zineneni. A xiluleko xa vavasati va tshamileko.

Isaya 35:3

Tiyisani a mandla ma rerekileko, Mu tiyiseta a madzolo ma hohoveleko.

Mateu 10:8

Hanyisani lava va babyako, mu vuxa a vafileko, mu basisa tihlokonho, mu humesa madimoni. Mu amukele hi matsenya, nyikani hi matsenya.

Mitiro 20:20

lezaku a nzi mu lovelangi a timhaka ti vunako, kanilezi nzi lo mu kanelela, nzi mu gonzisa kubaseni ni lomu tindlwini,

Mitiro 20:27

Hakuva a nzi lovangi a kuba hungu ka nwina hi khungo gontlhe ga Nungungulu. Lu. 7:30; Joba 15:15; Efe. 1:11

Mitiro 20:34

Nwina venyi ma zi tiva lezaku a mandla laya ma lo nzi tirela lezi zi nga laveka ka mina, ni ka lava va nga hi zinwe na mina. Xip. 18:3; 1 Kor. 4:12; 1 Tes. 2:9

Mitiro 20:36

Laha a nga wa kanele timhaka leti, i lo khizama a khongela navo vontlhe.

Va le Roma 15:1

Makunu hina lava hi nga ni ntamu hi yimelwe hi ku rwala a gome ga lava va nga hiko na ntamu, hi nga tsakisi a wutsumbu ga hina ntsena. Xip. 14:1; Gal. 6:1

1 Va le Korinte 9:12

Loku vanwani va hi ni fanelo leyi xikari ka nwina, xana hina a hi hunzisi ke? Ahembaloko a hi tirisangi a fanelo leyi, hakuva hi timisela zilo zontlhe, kasi hi nga veki xikhubekiso ka ivangeli ya Kristu. 2 Kor. 11:7

2 Va le Korinte 11:12

Lezi nzi zi mahako, nza ha ta zi maha, kasi nzi fela ku va thindekisa vona lava va lavako xikhati xa kuva va ti tlakusa va kumeka na va fana na hina. 1 Kor. 9:12

2 Va le Korinte 11:9

Laha nzi nga hi muvumali xikhatini lexi nzi nga hi xikari ka nwina, a nzi binzisangi munhu; hakuva laha vamakabye va ngata hi le Makedonia va lo nzi vuna hi lezi nzi nga zi vumala; nzi lo ti hlayisa ha nzoce nzi nga mu binzeli, nza ha ta ti hlayisisa zalezo. Miti. 20:33; Xip. 12:14; Fil. 4:10

2 Va le Korinte 12:13

Hakuva a manwani mabandla ma mu hunza hi yini? Hi lezi nzi nga kala ku mu binzela ke? Nzi tsetseleleni a xihoxo lexo! 1 Kor. 1:7; 9:12

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

Va le Efesusi 4:28

Ngha loyi a nga hi khamba a nga ha yivi kambe; kanilezi a ti karate a tira lezi zi sasekileko hi mandla yakwe, kasi a fela kuva nazo zo nyika loyi a vumalako.

1 Va le Tesalonika 4:11

ni lezaku mu pinyamela ku hanya hi kurula, mu tira mitiro ya nwina, ni ku tira hi mandla ya nwina, kota lezi hi nga mu laya,

1 Va le Tesalonika 5:14

Ha mu khongotela, vamakabye, hiku: Lulekani lava va vilinganya, mu tiyisa-hlana lava va timbilu ti rerekileko, mu vuna lava va nga ni gome, mu hi ni lihlaza-mbilu ka vanhu vontlhe.

Maheberu 13:16

Kanilezi mu nga rivali a ku maha kusasa ni kuha zisiwana; hakuva Nungungulu wa tsaka khwatsi hi miphahlelo ya kunghaho. Rom. 12:13; Fil. 4:18

Maheberu 13:3

Alakanyani lava va nga makhotsweni, muku khwatsi mu bohilwe zinwe navo; alakanyani ni lava va xaniswako, kota lezi na nwinawu mu nga ni mimiri, Rom. 12:15

3 Johani 1:7

Hakuva va lo famba hi kota ya Vito, na va nga amukeli nchumu xa vamatiko. 1 Kor. 9:12, 15