Mitiro 18:2 - Tshwa Bible

² A ya kuma a muJuda a vitwako Akwila, a munhu wa le Pontu hi kupswalwa, na a ha kuta hi le Italia, zinwe ni sati wakwe Prisila, hakuva Klaudiu i wa layile lezaku a vaJuda vontlhe va suka le Roma. Paule i loya kabye, Rom. 10:3; 1 Kor. 16:19; 2 Tim. 4:19

Mitiro 18:2 교차 참조

Mitiro 11:28

A munwe wa vona a nga hi Agabusi a vito gakwe, i lo yima a tivisa hi Moya wa ku Basa, lezaku ku tava kona a ndlala ya hombe misaveni yontlhe; hi yona yi nga chikela masikwini ya Klaudiu. Xip. 21:10

Mitiro 18:18

Paule na a tshamile kona a masiku yo tala, i lo onekana ni vamakabye, a famba hi taru aya Siria, zinwe na Prisila na Akwila; na a cingile hloko le Kenkrea, hakuva i wa ti bohile hi kuhlambanya. Mitse. 6:18; Xip. 21:24; Rom. 16:1

Mitiro 18:26

I lo sangula ku kanela hi kutiya sinagogeni. Kanilezi laha Prisila na Akwila va nga mu zwile, va lo mu yisa kaya kabye, va ya mu tlhamusela khwatsi a ndlela ya Nungungulu.

Mitiro 2:9

Hina vaPartia, ni vaMedi, ni vaElamita, ni lava va akileko le Mesopotamia, ni le Judia, ni le Kapadokia, le Pontu, ni le Asia,

Mitiro 27:1

Laha ku nga wa tsemilwe a kuva hiya Italia hi taru, va lo nyikela Paule ni tinwani tiperesu ka nduna ya zana yi tibyako Juliu, ya ntlawa wa ka Augustu. Xip. 25:12, 25

Mitiro 27:6

A nduna ya zana yi lo kuma kona a taru ga le Alekzandria, legi gi yako Italia; yi hi enghenisa ka gona.

1 Va le Korinte 16:19

A mabandla ya leno Asia ma mu rungula. Akwila na Priska va mu rungula nguvu Hosini, zinwe ni bandla legi gi nga lomu ndlwini yabye. Rom. 16:5

2 Timote 4:19

Rungula Prisika na Akwila, ni va ka Oniseferusi. Miti. 18:2; 2 Tim. 1:16

Maheberu 13:24

Rungulani vontlhe lava va mu rangelako, ni vobasa vontlhe. Lava va le Italia va mu rungula.

1 Pedro 1:1

Mina Pedro, nzi nga mupostoli wa Jesu Kristu, nza rungula a vahlawulilweko, a valuveli lava va hangalakileko le Pontu, ni le Galatia, ni le Kapadokia, ni le Asia, ni le Bitunia, Miti. 2:5, 9; Jak. 1:1