13 Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?
Davida i lota le Baali-perazimu. I lo va hlasela leyo, aku ngalo: Jehova i hangalasile valala va mina ku fanana ni mati loku ma phuxuka ma hangalaka. Hikwalaho i lo chula wutshamu lego aku Baali-perazimu. Isa. 28:21
A gezu legi Jehova a gi wulako xungetano naye, hi legi: A mubulwa, wu nga nhwana wa Zioni, wu ku rukatele, wu ku tseketsela: ni nhwana loyi a nga Jerusalema wa ku zivisela hloko.
A timhaka leti Jehova a ti wulawulileko ha yena hi leti: A mubulwa wu nga nhwana wa le Zioni wu ku kanyisile, Wa ku hleka, a zivisa hloko yakwe ka wena.
U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.
Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!
Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.
I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.
