Mika 6:12 - Tshwa Bible

¹² Hakuva a vafumileko va muti va tele hi tihanyi, ni vaaki va wona va wulawula mawunwa, ni tirimi tabye mbakhohlisi milonwini yabye.

Mika 6:12 교차 참조

Tisimu 120:2

Jehova, hlanguta muhefemulo wa mina ka milomu ya vahembi, Ni ka lirimi li khohlisako.

Tisimu 35:20

Hakuva a ku na kurula kuwulawuleni kabye, Kanilezi va lumbeta lava va rutisileko lomu tikweni.

Tisimu 78:36

Kanilezi va lo mu khohlisa hi milomu yabye, Va mu hembela hi tirimi tabye, Isa. 29:13; Jer. 12:2

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Jeremia 9:8

A lirimi labye i seve wu dayako, Li wulawula kukhohlisa. Hi nomu wakwe munhu i wulawula a kurula ni muakelwani, Kanilezi mbilwini yakwe wa mu xiyelela.

Hosea 7:1

Loku nziku hi ku chuma Israeli, zonake ku woneka a zigoho za Efraime ni kubiha ka Samaria, hakuva va tira kukhohlisa. A makhamba ma enghena ni ntlawa wa vaphangi wa phanga hi lahandle.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Amosi 6:4

Va etlela mibhedini yi mahilweko hi timhonzo ta tindlovu, va ti nawula zitheveni zabye; vaga tiyivana ta mitlhambi, ni marole ma nonileko ya lomo rangeni.

Zefania 1:9

Hi siku lego nzi ta tsayisa lava va tlulako a xipimbitsi, lava va tatako a yindlu ya hosi yabye hi lezi zi phangilweko hi kanu ni kukhohlisa.

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Mitiro 24:9

A vaJuda va lo mu yimela, va tiyisa vaku hi zona lezo.

Va le Roma 3:13

A nkolo wabye xilahla xi vululekileko; Va khohlisa hi tirimi tabye; A wuxungu ga tinyoka gi lomu nzeni ka milomu yabye. Tis. 5:9; 140:3