A vanhanyana va Estere ni mithenwa yakwe va lo ta mu tivisa; a muzinza i lo tlhaveka nguvu, a rumela a nguwo ka Mordekai kasi a fela ku tlhatlha a zilenda. Kanilezi a nga yi amukelangi.
Loku nzi xalalisa hosi, ni loku a hosi yi vumela ku nzi mahela xikombelo xa mina, nzi wa kombela lezaku a hosi na Hamani vata kambe kugeni loku nzi ta nga ku longisa, hambu kova manziko nzi ta maha kota kuranza ka hosi.
Tuva ganga, legi gi nga lomu mikovotlweni ya maribye, Lomu matshanwini ya ku fihlala lomu maribyeni; Hi nga nzi komba a nghohe ya wena, nzizwa gezu ga wena; Hakuva a gezu ga wena ga nanziha, ni nghohe ya wena yi sasekile.
A milomu ya wena, makoti wanga, yi dona wulombe; A wulombe ni masi zi lahasi ka lirimi la wena; Ni kunuhela ka tinguwo ta wena ku khwatsi kunuhela ka Lebanoni. Mav. 16:24
A nayo wa zinene wu wa hi nonwini wakwe, a kubiha ku wa nga hi kona milonwini yakwe. I wa famba zinwe na mina hi kurula ni kululama, a hunzulukisa votala kugoheni.
I lo sangula ku kanela hi kutiya sinagogeni. Kanilezi laha Prisila na Akwila va nga mu zwile, va lo mu yisa kaya kabye, va ya mu tlhamusela khwatsi a ndlela ya Nungungulu.
A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.
Hizalezo na nwina vasati, ingisani vanuna va nwina; lezaku kasi hambu loku va hi kona lava va nga ingisiko mhaka, va fela ku kokiwa hi mahanyela ya vasati vabye hi handle ka mhaka; Mat. 18:15; 1 Kor. 7:16
Kanilezi a sati wakwe aku ka yena: Loku Jehova a wa xuvile ku hi daya, ngha a nga amukelangi a muphahlo wa hina wa kuhiswa ni munyikelo wa kona, kambe ngha a nga hi kombisangi zontlhe lezi zilo: hambu nyamutlha ngha a nga hi tivisangi timhaka ta kunghahi.
