Mavingu 29:25 - Tshwa Bible

²⁵ A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Mavingu 29:25 교차 참조

Genesisi 20:11

Abrahama aku ngalo: Hakuva nzi waku ku hava kuchava Nungungulu ka legi wutshamu; nziku kutani va nga nzi daya hi ku fela a sati wa mina.

Genesisi 20:2

Abrahama i lo wula hi Sara a sati wakwe, lezaku makweru, na Abimeleki a hosi ya le Gerare i lo ruma ku ya teka Sara.

Genesisi 26:7

Zonake a vanhu va lego wutshamu va lo mu wutisa hi sati wakwe; yena aku ngalo makweru; hakuva i lo chava ku ngalo i sati wa mina, hi ku kutani a vanhu va lego wutshamu va nga nzi daya hi ku fela Rebeka; hakuva i wa hi mbhuri kucuwukekeni.

1 Tihosi 19:3

Makunu laha yena a nga wa zi wonile, i lo suka a famba kasi ku ponisa wutomi gakwe, a ya chikela le Berexeba ga ka Juda; leyo i lo ya siya a nanza gakwe;

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

Tisimu 118:8

Zi sasekile ku tsutsumela Jehova, Ku hunza ku tsumba vanhu.

Tisimu 119:117

Nzi tiyise lezaku nzi pona, A ziyimiso za wena zi tava mahlweni ka mina xontlhe xikhati.

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 69:29

Kanilezi mina loyi nzi hlokiswako ni ku xaniswa, A kuhanyisa ka wena a ku nzi tlakuse, O Nungungulu.

Tisimu 91:1

Yena loyi a tshamileko xihundleni xa loyi a Hunzeleleko Kutlakuka, A humula nzhutini wa Nyamintamu,

Tisimu 91:14

Khwatsi hilezi a nzi ranzako, nzi ta mu tlhatlhisa, Nzi ta mu hlayisa hakuva i tivile a vito ga mina.

Mavingu 16:20

Loyi a pimisisako khwatsi mhaka i ta kuma litsako; i loyi a tsumbako Jehova i katekile.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Mavingu 28:25

Loyi a nga ni mbilu ya matshanza wa vuxa mazunga; anilezi loyi a tsumbako Jehova i ta xura.

Mavingu 30:5

Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

Mutshawuteli 7:18

Zi sasekile a kuva u khomisisa ka lexi, kambe u nga tsiki lexiya; hakuva loyi a chavako Nungungulu i ta humelela ka zona zontlhe. Mat. 23:23

Isaya 57:11

U wa dzukiswa hi mani, u chava mani ko kala u nga tsumbeki, Lezi u nga kala u nzi alakanya hambu ku nzi khatalela ke? Kasi a ku nzi chavi, hilezi nzi miyeleko xikhati xo leha ke?

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 6:23

A hosi yi lo tsaka nguvu, yi rumisa lezaku va humesa Danieli nkeleni wa tinghala. Zinghaho Danieli i lo humeswa nkeleni, a ku na nga kumiwa ni sakaveti ginwe ka yena hakuva i wa tsumbile a Nungungulu wakwe.

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 15:12

Zonake ku lota vapizani, va taku ka yena: Xana wa zi tiva lezaku a vaFarisi va lo tsanwa laha va ngazwa a gezu legi ga wena ke?

Luka 12:4

Nza wula ka nwina, mu nga maxaka ya mina: Mu nga chavi lava va dayako miri, kanilezi na va nga hi na ntamu ku maha nchumu kambe. Isa. 51:7, 8; Jer. 1:8; Joh. 15:14, 15

Johani 3:2

Yena i lota ka Jesu ni wusiku, aku ngalo: Rabi, ha zi tiva lezaku u mugonzisi loyi a tileko hi ka Nungungulu; hakuva a ku na munhu a zi kotako ku maha a ziwoniso lezi u zi mahako, loku Nungungulu a nga hi naye. Xip. 7:50; 19:39; Miti. 2:22; 10:38

Johani 9:22

A vapswali vakwe va lo wula lezo, hi ku chava vaJuda; hakuva a vaJuda va wa vumelene vaku, loku munhu a vumela lezaku Jesu hr Kristu, i ta humeswa sinagogeni. Xip. 7:13; 12:42; 16:2

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

Valamuli 16:11

Yena aku kakwe: Loku nzi bohiwa nguvu hi magota ya maswa lawa ma nga tirangiko nchumu, nzi ta rereka nzi fanana ni vanwani vanhu.

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.

1 Samueli 21:13

Zonake i lo hunzula kupima, a ti maha wo hunguka mahlweni kabye, a tsala laha tivatini ta nyangwa, a tsika mari ma xilila lomu ka xilevu xakwe.

1 Samueli 27:1

Zonake Davida i lo alakanya mbilwini yakwe, aku: Ginwani siku nzi ta kala nzi dawa hi Saule; ku hava yinwani ndlela, ahandle ko tsutsumela tikweni ga vaFilistia, kasi Saule a fela ku kala a nga ha nzi hloti lomu tikweni gontlhe ga ka Israeli; zonake nzi ta pona canjeni gakwe.

1 Samueli 27:11

Davida a nga siyangi ni munwe wo hanya, xikari ka vavanuna ni vavasati kasi ku ta bika ha yena le Gati, hakuva i wa chava lezaku va ta mu hleva, vaku: Davida i mahile lezi ni lezi. Hikwalaho i wa tolovela ku maha lezo xontlhe xikhati lexi a nga tshama tikweni ga vaFilistia.