Mavingu 28:27 - Tshwa Bible

²⁷ Loyi a nyikako ka zisiwana cima a nga ta vumala; anilezi loyi a ti valako mahlo yakwe, i tava ni ziruko zo tala.

Mavingu 28:27 교차 참조

Mavingu 11:24

I kona loyi a nyikako hi matsenya, kasi wa engeteliwa; i loyi a tsonako ku hunza mpimo, kanilezi a maha xisiwana.

Mavingu 11:25

A muhefemulo wa wuhana wu ta kuluka; oyi a cheletelako mati i ta cheletelwawu,

Mavingu 11:26

Loyi a tsonako mavele, a vanhu va ta mu ruka; anilezi a zikatekiso zi tava hlokweni ya loyi a ma xavisako.

Mavingu 19:17

Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. Mat. 10:42; 25:40

Mavingu 22:9

A munhu loyi a nga wunene i ta kateka; akuva wa nyika xibaba xakwe ka zisiwana.

Mavingu 24:24

Loyi a wulako ka wa kubiha aku: Wena u lulamile; aloye i ta rukiwa hi vanhu, ni matiko ma ta mu nyenya.

Mavingu 28:28

Loku a va kubiha va tlakuka, a vanhu vo fihlala; anilezi loku va lova, a va kululama va enzeleka.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Deuteronome 15:10

Mu nyike hi matsenya, ni loku u mu nyikile, a mbilu ya wena yi nga kanakani; hakuva hi kota ya lezo u mahileko, Jehova Nungungulu wa wena i ta ku katekisa ka yontlhe mitiro ya wena ni ka zontlhe lezi u zi mahako. 2 Kor. 9:7

Deuteronome 15:7

Loku ku ngha ku hi kona a munwe wa vamakabye va wena a vumalako ka wunwani muti wa wena ka tiko legi Jehova Nungungulu wa wena a ku nyikileko, u nga nonohisi a mbilu ya wena, hambu ni ku vala a canja ga wena ka makabye wa wena a vumalako,

Maheberu 13:16

Kanilezi mu nga rivali a ku maha kusasa ni kuha zisiwana; hakuva Nungungulu wa tsaka khwatsi hi miphahlelo ya kunghaho. Rom. 12:13; Fil. 4:18