Jakobe i lo hlamula aku: A hosi ya mina ya zi tiva lezaku a vanana va tsongwani, ni lezaku ku tele tihomu ni tiyivu leti ti anwisako; ni loku va ti gula hi siku ginwe, a ntlhambi wontihe wu tafa.
I lo aka makhokhola le xiwuleni, a kela tihlowo tinyingi lomo, hakuva i wa hi ni tihomu to tala lomu mikoveni ni lomu tibaleni, ni varimi, ni varimi va zivina le zitsungeni za Karmeli, hakuva i wa ranza mitiro ya wurimo.
Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.
Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4
Hlayisani lomu timbilwini ta nwina a timhaka tontlhe leti nzi kustumunyako ha tona legi siku mahlweni ka nwina; mu ta leletela a vanana va nwina, va tazwa ni ku maha tontlhe timhaka ta lowu nayo.
Risani a ntlhambi wa Nungungulu lowu mu nga nawo, mu nga wu hlayisi hi kukurumetwa kanilezi hi ku zi ranza; na ku nga hi ku tirela bhinzu, kanilezi hi matsenya; Joh. 21:15-17; 1 Kor. 9:17
Kanilezi a nhonzwa yabye Eliabe a nga mu zwile na wulawula ni vanhu, i lo zangarela nguvu Davida, aku kakwe: U tele yini seno? Himani u nga mu siya ni tiyivana leti ti nga le xiwuleni? Nza ma tiva mahatsahatsa ni matshanza ya wena. Hi zona zi ku mahileko uta ku ta wona yimpi.
