5 A maalakanyo ya loyi a ti karatako ma pfunisa; anilezi vontlhe lava va xihatla ni mavonya va ta vumala.
Loyi wa woko go loloha wa maha xisiwana; anilezi a canja ga loyi a pangamileko gi vanga wukosi.
A mbilu ya lolo ya navela, kanilezi a nga kumi nchumu; anilezi a mbilu ya loyi a tirako yi ta kulukiswa.
Loyi a nonokako ku zangara i na ni kupima; anilezi loyi a hatlisako ku zangara i kulisa wupumbu.
A mixuvo yi nga hiko na kupimisisa a yi sasekangi; i loyi a hatlisako hi mikonzo yakwe wa onha.
A tshomba leyi yi kumiwako hi xihatla kusanguleni, ugumeseni ka yona yi nga tava ni zikatekiso.
A munhu wa wutsona wa hatlisa ku fuma; ima a nga alakanyi lezaku a wusiwana gi ta wela hehla kakwe.
Wa mu wona a munhu loyi a nga ni xihatla kuwulawuleni kakwe ke? xipumbu xa tsumbeka ku hunza a wa ku nghaho. Jak. 1:19; 3:5
Ngha loyi a nga hi khamba a nga ha yivi kambe; kanilezi a ti karate a tira lezi zi sasekileko hi mandla yakwe, kasi a fela kuva nazo zo nyika loyi a vumalako.
