28 A wunene ni kutsumbeka zi lonzowota hosi; xitshamu xakwe xa wuhosi xi tiyiswa hi wunene.
Nzi ta yimbelela hi wuxinji ni nongameto, Nzi yimbelela ha wena Jehova.
Hakuva hosi yi tsumba Jehova, Hi wuxinji ga loyi a Hunzeleleko Kutlakuka a nga ta tsekatsekiswa.
Nzi yimele kulamulweni, Jehova; Hakuva nzi fambile hi wunene. Hakuva nzi tsumbile Jehova hi kungakanakaniwiko.
Jehova, u nga nzi aleli a wuxinji ga wena; Ngha a tipswalo ta wena ni zinene za wena zi nzi lonzowota xontlhe xikhati.
Yi ta tshama xitshanwini xakwe xa wuhosi mahlweni ka Nungungulu kala kupinzuka; Ngha a tipswalo ni kululama zi mu gongola.
Manyalataniso ka tihosi a ku maha kubiha; akuva a xitshamu xa wuhosi xi tiyisiwa hi kululama.
A kugoha ka vinyiwa hi wuxinji ni zinene; i ku chava Jehova a vanhu va huma kubiheni.
A hosi leyi yi lamulako zisiwana hi nongameto, xitshamu xa yona xa wuhosi xi ta tshama kala kupinzuka.
A wuxinji ni zinene ngha zi nga humi ka wena, i bohelele nhanwini ya wena; i tsale lomu mbilwini ya wena:
Zonake a xitshamu xa wuhosi xa wena xi ta tiyiswa hi wumbilu; Hehla ka xona ku ta tshama mulamuli lomu tabernakelini ga Davida, Loyi a ta nga tshanza nongameto, a hatlisako ku maha kululama. Jer. 23:5; 33:15
A tlhamuselo wa kona hi lowu, wena hosi: I nyiwo ya Loyi a Hunzeleleko Kutlakuka, leyi yi ta nga tatiseka ka nwinyi wa mina, a hosi yanga:
