33 A wutlhari gi akile mbilwini ya loyi a nga ni kupimisisa; anilezi a maalakanyo ya zipumbu ma tivekiswa.
A xipumbu xi kombisa a zanga ya xona xikanwe; anilezi a munhu a tlharihileko wa fihla tingana.
A munhu wa kupima wa fihla wutivi; anilezi a mbilu ya xipumbu yiba hungu hi wupumbu ga xona.
Vontlhe vanhu vo tlhariha va tirisa wutivi; anilezi a xipumbu xi kombisa wupumbu ga xona.
A wa kubiha i pengela kubiheni kakwe; anilezi loyi a lulamileko i na ni kutsumba kufeni kakwe.
A kululama ku kulisa a tiko; anilezi a xionho i nzhukano ni ka gihi tiko.
A lirimi la tlhari li nanzihisa wutivi; anilezi a nomu wa zipumbu wu pupuma wupumbu.
A mbilu ya loyi a lulamileko yi alakanya na yi nga se hlamula; anilezi a nomu wa munhu wo biha wu chulula manyala.
Loku wutlhari gi enghena mbilwini ya wena, i wutivi gi tsakisa muhefemulo wa wena;
A xipumbu xi humesa a zanga ya xona yontlhe; anilezi loyi a tlharihileko wa ti khoma a yi rutisa.
Loku xipumbu xi famba ndleleni xi vumala wutlhari; xi wula ka vontlhe xiku: Hi nga wona xipumbu!
