27 A munhu wa lolo a nga woci a pfimba wakwe; anilezi a kupangama ka munhu i tshomba ya lisima.
Lezi zi tsongwani a nga nazo a munhu a lulamileko, I chuko ku hunza leʼzo tala a nga nazo a wakubiha.
Loyi wa woko go loloha wa maha xisiwana; anilezi a canja ga loyi a pangamileko gi vanga wukosi.
Loyi a lulamileko i rangela muakelane wakwe; anilezi a ndlela ya va kubiha ya va lovisa.
A mbilu ya lolo ya navela, kanilezi a nga kumi nchumu; anilezi a mbilu ya loyi a tirako yi ta kulukiswa.
A wukosana gi tsongwani leʼgi nga ni xichavo ha Jehova, i hunza a titshomba to tala leti ti nga ni zikarato.
I chuko ku kuma zitsongwani hi nongameto, u hunza ku bhinzula zo tala hi kubiha.
Khoma mukwana kolweni wa wena, oku wena u hi wa mahlomi.
Khwatsi hi livati li hunzulukako zikhuleketweni za lona, inghaho ni lolo hehla ka mubhedi wakwe.
A lolo gi peta a canja ga gona lomu ngelweni, anilezi zi mu karata ku gi tlhelisa giya nonwini wakwe.
