11 A nomu wa a lulamileko i hlowo ya wutomi; anilezi a nomu wa loyi wa kubiha wu na ni mona.
A vakululama va zi wona va tsaka, A vakubiha vontlhe va vala milomu.
A milomu ya wa kululama ya tiva lezi zi amukelekako; anilezi a milomu ya wa kubiha yi wulawula kukanganyisa.
A zikatekiso zi le tihlokweni ta valulamileko, anilezi a nomu wa loyi wa kubiha wu na ni mona.
A gonziselelo ya wutlhari xibuka xa wutomi; i ponisa vanhu maziyweni ya lufo.
A lirimi li mbheleleko i sinya ya wutomi; anilezi loku li bihile li goha muhefemulo.
A milomu ya tlhari yi humesa wutivi; anilezi a mbilu ya xipumbu a yi mahi lezo.
A timhaka ta nomu wa munhu ti khwatsi i mati yo eta; i hlowo ya wutlhari yi khwatsi xibuka xi khulungako.
Ku na ni nzalama ni maribye manyingi ya tsengo; anilezi a xa lisima nguvu hi milomu ya wutivi.
A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.
