Mateu 25:34 - Tshwa Bible

³⁴ Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Mateu 25:34 교차 참조

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Mavingu 11:17

A munhu wa wuxinji i maha zinene ka muhefemulo wakwe; anilezi a wa kubiha wa hlokisa a nyama yakwe wutsumbu.

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 6:5

Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Zefania 3:15

Jehova i susile mitsayiselelo ya wena, i hlongole a valala va wena; a hosi ya Israeli, yena Jehova, i lomu xikari ka wena, u nga ta ha chava kubiha kambe.

Mateu 13:35

Kasi ku fela ku tatiseka lezi zi nga kanelwe hi muprofeti, aku: Nzi ta vulula nomu wa mina hi mifananiso; Nzi ta humesela a timhaka ti fihlilweko hi kusanguleni ka tiko. Tis. 78:2; 1 Kor. 2:7; Efe. 3:9

Mateu 19:29

Zonake ni wihi loyi a siyileko tiyindlu, kutani vanakulobye, kutani vamakabye, kutani raru, kutani nyine, kutani vanana, kutani zipetso hi kota ya vito ga mina, i ta kuma a za kutala ku hunza, i taga a tshomba ya wutomi ga pinzukelwa.

Mateu 20:23

Aku ngalo kabye: Hakunene a gombe ga mina mu ta ginwa; kanilezi a nzi na ntamu ku mu tshamisa reveni ga mina ga xinene ni ga xibhabha; zi lumba lava ku longiselelweko vona hi Dadani. Xip. 25:34; Miti. 12:2

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Mateu 25:21

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena. Lu. 12:44; 2 Tim. 2:12

Mateu 25:23

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena.

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 27:37

Va lo nameketa hehla ka hloko yakwe a mutsalo wa nanzu wakwe wu nge ngalo: Loyi hi Jesu, a hosi ya vaJuda. Mar. 15:26; Lu. 23:38; Joh. 19:19

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 5:19

Hikwalaho kani hi mani a ta nga hambunyeta munwe wa milayo leyi yi tsongwani, a gonzisa vanhu ku maha lezo, i ta hlayiwa loyi tsongwanyani mufunweni wa le tilweni. Kanilezi loyi a hlayisako milayo a yi gonzisa, i ta hlayiwa wahombe mufunweni wa tilo. Jak. 2:10

Marku 10:17

Laha a nga huma a goxometa ndleleni, a munhu i lo tsutsumela kakwe, a khizama mahlweni ka yena, a mu wutisa, aku: Mugonzisi wa nene, nzi ta maha yini, kasi nzi fela kuga a tshomba ya wutomi ga pinzukelwa ke? Mat. 19:16; Lu. 18:18

Marku 10:40

kanilezi a ku tshama canjeni ga mina ga xinene, kutani canjeni ga mina ga xibhabha a hi mina nzi nga nyikako, kanilezi zi tava ka lava zi longiselelweko vona.

Luka 11:28

Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25

Luka 11:50

kasi a nkhata wa vaprofeti vontlhe, lowu wu halatilweko kusukela kuvangiweni ka misava, wu fela ku labyiwa ka lexi xizukulwana.

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Luka 19:38

vaku: A yi khesiwe a Hosi leyi yi tako vitweni ga Jehova; a kurula a kuve le tilweni, ni kungangamela le hehla-hehla! Tis. 118:26; Xip. 2:14; 13:35

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Johani 12:13

va lo teka mahanga ya micinzu, va huma ku ya mu tlhangaveta, va kanyuluka, vaku: Hozana; a ku khesiwe yena loyi a tako vitweni ga Hosi, loyi a nga Hosi ya vaIsraeli. Tis. 118:25, 26

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Johani 19:15

Va lo kanyuluka, vaku: Mu suse, mu suse, mu belele! Pilatu aku kabye: Nzi belela a hosi ya nwina ke? A vapristi va hombe va lo hlamula, vaku: A hi na hosi saseka Kesari. Gen. 49:10

Mitiro 15:18

Ku wula Hosi, leyi yi tivekisako lezi zilo hi kale ka matiko.

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

1 Va le Korinte 15:50

Makunu vamakabye, nzi wula lezaku a nyama ni nkhata a zi na kuga a tshomba ya mufumo wa Nungungulu; hambu ni kubola a kuna kuga a tshomba ya kungaboli. Mat. 16:17; Joh. 3:3, 5

1 Va le Korinte 2:9

Kanilezi hi kanela kota lezi ku tsalilweko ku ngalo: A zilo lezi zi nga woniwangiko hi tihlo, ni ndleve yi nga zi zwangiko, Lezi zi nga alakanyiwiko mbilwini ya munhu, Zalezo Nungungulu i zi longisele vona lava va mu ranzako. Isa. 64:4

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

Va le Galatia 5:21

a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. Kuv. 22:15

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

2 Timote 2:12

loku hi timisela, hi ta fuma zinwe naye; kanilezi loku hi mu kaneta, yenawu i ta hi kaneta. Mat. 10:33; Mar. 8:38; Rom. 8:17; 1 Ped. 4:13

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Maheberu 4:3

Hakuva hina lava hi kholilweko ha enghena kuhumuleni loku, kota lezi a ngaku ngalo: Lezo nzi lo hlambanya zangeni ya mina, nziku: Va nga ta enghena kuhumuleni ka mina; a wula lezo hambu lezi a nga wa hetile mitiro yakwe hi le kuvangiweni ka misava. Tis. 95:11; Xip. 3:11

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

1 Pedro 1:9

na mu kari mu amukela a nchachazelo wa kukholwa ka nwina, ku nga kuhanyiswa ka mihefemulo ya nwina.

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10

Kuvululelwa 5:10

u va yimisa a kuva mufumo ni vapristi va Nungungulu wa hina, va fumela misaveni. Ekso. 19:6; 1 Ped. 2:5, 9