Mateu 25:33 - Tshwa Bible

³³ I ta veka tiyivu reveni gakwe ga xinene, kanilezi a timbuti hi le reveni ga xibhabha.

Mateu 25:33 교차 참조

1 Tihosi 2:19

Zonake Batexeba i loya ka hosi Solomoni a ya wulawulela Adonija. A hosi yi lo suka yi mu khinga, yi ya korama mahlweni ka yena, zonake yi lo tshama xitshanwini xa yona xa wukosi, yi rumisa lezaku ku bekiwa xinwani xitshamu xa wukosi xa mamani wa hosi, zonake Batexeba a tshama hi le canjeni gakwe ga xinene.

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Tisimu 110:1

Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

Tisimu 45:9

A vanhwana va tihosi va xikari ka malanza ya wena; A muzinza wu yimile hi canjeni ga wena ga zinene, Na wu bombisilwe hi nzalama ya le Ofira.

Tisimu 79:13

Zonake hina vanhu va wena, ni ntlhambi wa wuriselo ga wena, Hi ta ku bonga kala kupinzuka; Hi ta hlawutela a kudumisa ka wena zizukulwaneni zontlhe.

Tisimu 95:7

Hakuva yena i Nungungulu wa hina, Hina hi tiko ga wuriselo gakwe, Hi tiyivu ti hlayiswako hi yena. E, loku mu wa ta vumela nyamutlha ku ingisa gezu gakwe!

Mutshawuteli 10:2

A mbilu ya tlhari yi le reveni gakwe ga xinene, kanilezi a mbilu ya xipumbu yi le reveni ga ximatse.

Marku 16:19

Laha Hosi Jesu na a wulawulile na vona, i lo tlakuselwa tilweni, aya tshama hi le reveni ga xinene ga Nungungulu. Lu. 24:51

Va le Efesusi 1:20

lowu a nga tira ha wona ka Kristu, laha a nga mu vuxa hi ka vafileko, a mu tshamisa canjeni gakwe ga xinene le tilweni,

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22