Mateu 25:31 - Tshwa Bible

³¹ Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Mateu 25:31 교차 참조

Tisimu 9:7

Kanilezi Jehova i ta fuma kala kupinzuka; A xitshamu xakwe xa wuhosi i xi longisele a kulamula.

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mateu 25:6

Kanilezi xikari ka wusiku ku lo zwala a gezu giku; Langutani, wata muyeni! Humani muya mu khinga. Xip. 24:31; 1 Tes. 4:16

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Marku 14:62

Jesu aku: Hi mina yena. Mu ta wona Nʼwana wa munhu na a tshamile hi le reveni ga xinene ga ntamu, na ata hi marefu ya tilo. Mat. 24:30; 26:64; Lu. 22:69

Marku 8:38

Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

Luka 22:69

Kanilezi kusukela lezi a Nʼwana wa munhu i ta tshama hi ka ga xinene ga ntamu wa Nungungulu. Mat. 26:64; Maheb. 1:3; 8:1

Luka 9:26

Hakuva kani hi wihi a ta ngava ni tingana ha mina ni timhaka ta mina, a Nʼwana wa munhu i tava ni tingana ha yena, laha a ta nga wuya kungangameleni kakwe, ni ka Dadani ni ka tingelosi to basa. Mat. 10:33; Mar. 8:38; 2 Tim. 2:12

Johani 1:51

A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

Mitiro 1:11

vaku ngalo: Vavanuna va le Galilea, hi yini mu yimileko mu cuwuka tilweni ke? Jesu loyi a susilweko ka nwina aya tilweni, i ta wuya kota lezi mu mu wonileko na aya tilweni. Dan. 7:13; Joh. 14:3; 1 Tes. 1:10; 4:16; Kuv. 1:7

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

1 Va le Tesalonika 4:16

Hakuva yona Hosi wutsumbu yi ta relela hi le tilweni hi huwa yi leletelako, ku zwala a gezu ga ngelosi ya hombe ni mpunzu wa Nungungulu; lava va fileko ka Kristu va ta vuka kuranga. Mat. 24:30; Miti. 1:11; 2 Tes. 1:7

Maheberu 1:8

Kanilezi hi Nʼwana i ngalo: Nungungulu, a xitshamu xa wena xa wuhosi xa kala kupinzuka, A nhonga ya wena ya wuhosi i nhonga ya nongameto. Tis. 45:6, 7

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

Juda 1:14

Na Enoki, a wa wuntlhanu ni wumbiri ku sukela ka Adamu, i lo profeta ha vona, aku: Langutani, a Hosi yata zinwe ni vobasa va yona va makume ya mazana, Gen. 5:18; Deut. 33:2; Dan. 7:10

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

1 Samueli 2:10

A valala va Jehova va ta pswandlaswa, I ta va dzinzela na hi tilweni. Jehova i ta lamula a magumeso ya misava; I ta nyika ntamu ka hosi yakwe, A tlakusa a limhonzo la a totilweko wakwe.