24 A vapizani va lo hlamala nguvu hi magezu lawa. Kanilezi Jesu i lo engeta aku ka vona: Vanana, zi tsanzisa kuyini ka lava va tsumbako titshomba a ku enghena mufunweni wa Nungungulu! Joba 31:24; Tis. 52:7; 1 Tim. 6:17
Nzi tlhatlhise ka vanhu va misava hi canja ga wena, Jehova, Lava va nga ni xiavelo xabye kuhanyeni loku; Lava u xurisileko hi tshomba ya wena: Va na ni vanana vo tala, Va siyela misalelwa ka vazukulu vabye. Lu. 16:25; Fil. 3:19
Hi nga wona munhu loyi a nga tekangiko Nungungulu a kuva khokhola gakwe, A tsumba ntsena a wunyingi ga titshomba takwe, A ti tiyiseta lomu kubiheni kakwe.
Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.
A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.
Vana vanga, xikhati xi tsongwani na nza ha hi na nwina. Mu ta nzi lava; kanilezi lezi nzi nga wula ka vaJuda, nziku: Lomo nzi yako kona, a mu zi koti kuta; makunu nza wula lezo ka nwina. Xip. 7:34; 8:21
Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.
Vana vanga, nza mu tsalela timhaka leti lezaku kasi mu fela ku kala mu nga onhi. Kanilezi loku munhu a onha, hi na ni Muyimeli ka Dadani, a nga Jesu Kristu a lulamileko. 1 Tim. 2:5; Maheb. 9:24
Vana vanga, nwina mu va Nungungulu, mu hlulile a vaprofeti va mawunwa; hakuva loyi a nga ka nwina ngwa hombe a ku hunza loyi a nga laha tikweni. Joh. 14:30
Lezi u nge ngalo: Nzi fumile, nzi ti kumele wukosi, a nzi vumali nchumu; kasi a ku zi tivi lezaku u loyi a xanisekako, ni nyakeke, ni muvumali, ni xikhumu, loyi u nga ni wuna. Hos. 12:8; 1 Kor. 4:8