Maheberu 12:27 - Tshwa Bible

²⁷ A mhaka leyi yaku: A kanwe kambe, yi kombisa a kususiwa ka zilo lezi zi zi kotako ku tsekatsekiswa, kota lezi zi nga zilo zi mahilweko, kasi ku fela ku sala lezi zi nga zi kotiko ku tsekatsekiswa. Mat. 24:35; Kuv. 21:1

Maheberu 12:27 교차 참조

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Isaya 54:10

Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Isaya 65:17

Hakuva nzi ta vanga a tilo giswa ni misava yiswa, A zilo za kale zi nga ta ha alakanyiwa, Ge hambu ku wuya lomu malangeni. 2 Ped. 3:13; Kuv. 21:1

Isaya 66:22

Hakuva khwatsi hi lezi a matilo maswa ni misava yiswa leyi nzi ta nga yi maha, zi ta nga tsonzoma mahlweni ka mina, ku wula Jehova, zinghaho a lixaka la nwina ni vito ga nwina zi ta tshama zi hi kona. Jer. 31:35; 2 Ped. 3:13; Kuv. 21:1

Ezekieli 21:27

Nzi ta xi khungumula, nzi khungumula, nzi khungumula; lexi kambe xi nga ta hava kona, kala ku chikela loyi xi lumbako yena, nzi ta mu nyika xona.

Hagai 2:21

Byela Zerubabeli a mwamangulu wa le Juda, uku: Nzi ta tsekatsekisa a tilo ni misava.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Va le Roma 8:19

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu. 2 Ped. 3:13; 1 Joh. 3:2

Va le Roma 8:21

kanilezi ku kona kutsumba lezaku a zivangwa zi ta tirulwa wukhumbini ga kubola zi enghena kutlhatlhekeni ka kungangamela ka vana va Nungungulu.

1 Va le Korinte 7:31

ni lava va tirisako a za misava vaku khwatsi a va zi tirisi nguvu; hakuva a matshamela ya misava leyi ma hunza. Tis. 39:6; Xip. 9:18; Jak. 4:14

Maheberu 1:10

Niku: Hosi, hi kusanguleni u vekile a xiseketelo xa misava, A matilo i ntiro wa mandla ya wena. Tis. 102:25

Maheberu 13:14

Hakuva seno a hi na muti wu simamisako, kanilezi hi lava lowu wu ta ngata. Mika 2:10; Fil. 3:20

Maheberu 9:11

Kanilezi Kristu i lota na hi mupristi wa hombe wa zilo zo saseka lezi za ha tako; a tsemakanya a tabernakeli ga hombe legi gi mbheleleko, legi gi nga mahiwangiko hi mandla, lezo hi ku ngalo, a hi ga misava leyi.

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 21:1

Nzi lo wona a tilo giswa ni misava yiswa; hakuva a tilo go sangula ni misava yo sangula zi wa hunzile, ni bimbi gi wa nga ha hi kona. Isa. 65:17; 2 Ped. 3:13

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26

Kuvululelwa 21:5

Loyi a tshamileko xitshanwini xa wuhosi aku: Langutani nzi maha zilo zontlhe ziva ziswa. Zonake aku: Tsala, hakuva leti timhaka ti tsumbekile ti nene. Isa. 43:19; 2 Kor. 5:17; Xip. 19:9