32 Xana nza ha ta wula yini kambe ke? Hakuva a xikhati a xi nzi eneli a kuva nzi hlawutela ha Gideoni, na Baraki, na Samsoni, na Jefta, na Davida, na Samueli ni vaprofeti; Vala. 6:11; 4:6; 11:1; 13:24; 1 Sam. 1:20; 16:1
Mosi na Aroni Va wa hi xikari ka vapristi vakwe, Na Samueli xikari ka lava va khongelako a vito gakwe; Va lo vitana ka Jehova, a va hlamula. Ekso. 8:12; Mitse. 16:20; 1 Sam. 7:9
Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13
Tsakani, mu nengela nguvu, hakuva ngwa hombe a nchachazelo wa nwina le tilweni; hakuva va lo xanisisa lezo a vaprofeti lava va mu rangeleko. Neh. 9:26; Miti. 5:41; 1 Ped. 4:13
Laho ku tava ni mikosi ni kugetsela ka meno, loku mu wona Abrahama, na Isaka, na Jakobe, ni vaprofeti vontlhe le mufunweni wa Nungungulu, kasi nwina mu hoxiwa lahandle. Mat. 8:11, 12; 13:42; 24:51
Zi kona zinwani zilo zo tala lezi Jesu a nga zi maha, lezi loku zi wa tsalilwe zontlhelele, nza alakanya lezaku hambu misava yontlhe yi wa nga ta zi kota ku kangatela a mabhuku wontihe laya ma nga tsaliwako. Am. 7:10; Xip. 20:30
Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22
Kanilezi loku a kungalulami ka hina ku kombisa a nongameto ya Nungungulu, hi taku yini ke? Kasi Nungungulu a nga lulamangi loku a tsayisa hi zanga ke? (Nza wulawula kota vanhu.) Gal. 3:15
Zonake hi taku yini? A nayo kuonha ke? Kokwihi! Ahembalokoke, ngha nzi nga ku tivangi a kuonha ahandle ka nayo; hakuva ngha nzi nga ku tivangi a kunavela, loku a nayo wu wa nga wulangi, wuku: U nga naveli, Ekso. 20:17; Xip. 3:20
Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18
lezaku mu ehleketa a timhaka leti ti nga kanelwa kale hi vaprofeti vo basa, ni xileletelo xa Hosi tlhelo Muhanyisi lexi mu nyikilweko xona hi vapostoli va nwina. Juda 17
Zonake a ngelosi ya Jehova yi lota yi ta tshama lahasi ka nkuhlu lowu wu nga le Ofra, ka Joaxi a muAbiezeri. A nʼwana wakwe Gideoni i wa kari a phopha mavele lomu xigowolweni, kasi ku fihlela vaMidiani.
Kanilezi Jehova i lo hunzuluka a mu cuwuka, aku: Famba hi ntamu lowu wa wena, u ya hlanguta vaIsraeli mandleni ya vaMidiani. Kasi a nzi ku rumangi ke? Maheb. 11:32
Zonake Jehova i lo ruma Jerubaali, na Bedani, na Jefta, na Samueli, va mu ponisa mandleni ya valala va nwina lava va mu ranzeleko ka wontihe matlhelo, zonake mu tshama hi kurula,
Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22
Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.
Davida aku ka muFilistia: Wena uta ka mina ni supado, ni tlhari, ni hubhula, kanilezi mina nzita ka wena hi vito ga Jehova wa tiyimpi, ni ga Nungungulu wa tiyimpi ta ka Israeli leti wena u ti tlangamelako:
