Maheberu 11:13 - Tshwa Bible

¹³ Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Maheberu 11:13 교차 참조

Genesisi 21:34

Abrahama i lo tshama lomo tikweni ga maFilistia masiku yo tala.

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Genesisi 25:8

Abrahama i lo nyikela a moya wakwe, i lofa na a hi wa kale, na a khosahele, na a hi ni malembe ya kutala, i lo amukelwa ka va ka kabye.

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

Genesisi 48:21

Zonake Israeli aku ka Josefa: Nzi tafa; kanilezi Nungungulu i tava na nwina, i ta mu tlhelisa muya tikweni ga vakoko va nwina.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Genesisi 49:18

Jehova, nzi cuwukele ku tirulwa hi wena!

Genesisi 49:28

Lava va khume ni vambiri, hi tona tixaka tontlhe ta Israeli, ni timhaka leti, hi leti a raru wabye a nga wula a siku lego a nga va katekisa. I lo va katekisa munwe ni munwani kota xikatekiso xakwe.

Genesisi 49:33

Laha Jakobe a nga mbhetile ku laya a vana vakwe, i lo petsa milenge yakwe laha mubhedini, a nyikela a moya wakwe, i lo amukelwa ka va ka kabye.

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Tisimu 119:19

Nzi muenzi laha misaveni; U nga nzi fihleli zileletelo za wena. 1 Kro. 29:15; Maheb. 11:13

Tisimu 39:12

Jehova, zwana mukombelo wa mina, dembela ndleve kurileni ka mina, U nga miyeli loku nzi kari nzi rila mihloti; Hakuva nzi mupfhumba ka wena, Nzi muluveli khwatsi hi vadadani va mina vontlhe. Gen. 47:9; Maheb. 11:13; 1 Ped. 2:11

Eksodusi 2:22

Zipora i lo beleka nisanyana; Mosi i lo mu chula vito ga Gerxomi, hakuva i te ngalo: Nzi wa hi muluveli tikweni ga vamatiko.

Levi 25:23

A masimu ma nga xaviselwi magumo, hakuva a misava nja mina; hakuva nwina mu valuveli ni vaenzi ka mina.

Mitsengo 10:30

Hobaba i lo hlamula, aku kakwe: Mina nzi nga ta famba; kanilezi nzi ta tlhelela tikweni ga hina, ni le maxakeni ya mina.

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Mateu 13:17

Hizinene nziku ka nwina: A vaprofeti vanyingi ni vanhu va lulamileko va wa xuva ku wona a zilo mu zi wonako, a va zi wonangi; ni kuzwa lezi mu zi zwako, a va zi zwangi.

Johani 12:41

Isaya i lo wula lezo, hakuva i wonile a kungangamela kakwe, a kanela ha yena, Isa. 6:1

Johani 8:56

A raru wa nwina Abrahama i lo tsaka lezaku i wa ta ngha a wona a siku ga mina; i gi wonile a nengela. Lu. 10:24; Maheb. 11:13

Va le Roma 4:21

Na a zi tivisisile khwatsi lezaku lezi Nungungulu a zi tsumbisileko i na ni ntamu a ku zi maha.

Va le Roma 8:24

Hakuva hi hanyiswa hi kutsumba loku; kanilezi a kutsumba loku ku wonekako a ka ha hi kutsumba; hakuva himani a tsumbako loku ku nga hi yena loyi a tsumbako lezi zi nga woniwiko ke? Maheb. 11:1

2 Va le Korinte 4:18

hakuva a hi languteli a zilo zi woniwako, kanilezi a zilo zi nga woniwiko; hakuva a zilo zi woniwako za xikhati lexi ntsena, kanilezi a zilo zi nga woniwiko za kupinzukela.

2 Va le Korinte 5:6

Hikwalaho hi tiyilehlana xontlhe xikhati, na hi tiva lezaku loku ha ha tshamile mirini lowu, hi le kule ni Hosi,

Va le Efesusi 2:19

Hikwalaho a ma ha hi vapfhumba ni valuveli, kanilezi mu zisumbulwa zinwe ni vobasa, mu va le ngangweni wa Nungungulu.

Maheberu 11:14

Kunene lava va wulako zakunghahi va wonisa lezaku va lava a tiko gi nga gabye.

Maheberu 11:17

Hi kukholwa Abrahama i lo phahlela ha Isaka a siku a nga ringiwa; ina, loyi a amukeleko a zitsumhiso i lo nyikela a nʼwana wakwe a belekilweko yece; Gen. 22:1, 9; Jak. 2:21

Maheberu 11:27

Hi kukholwa i lo suka le Gipite, na a nga chavi a zanga ya hosi; hakuva i lo timisela aku khwatsi hi loku a mu wona loyi a nga woniwiko. Ekso. 10:28

Maheberu 11:39

Hambu lezi vona vontlhe va nga mahelwa wukustumunyu hi kota ya kukholwa kabye, a va amukelangi lezi va tsumbisilweko zona,

1 Pedro 1:1

Mina Pedro, nzi nga mupostoli wa Jesu Kristu, nza rungula a vahlawulilweko, a valuveli lava va hangalakileko le Pontu, ni le Galatia, ni le Kapadokia, ni le Asia, ni le Bitunia, Miti. 2:5, 9; Jak. 1:1

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

1 Johani 3:19

Hi kona hi ta nga zi tiva lezaku hi va zinene, hi tiyisa timbilu ta hina mahlweni ka yena. Joh. 18:37