Luka 4:38 - Tshwa Bible

³⁸ Zonake i lo huma sinagogeni, a ya enghena ndlwini ya Simoni; kanilezi a mukokati wa Simoni i wa babya hi feveri yo biha; ya lo mu khongotela ku mu vuna. Mat. 8:14; Mar. 1:29

Luka 4:38 교차 참조

Mateu 15:23

Kanilezi Jesu a nga mu angulangi nchumu. A vapizani vakwe va lota va ta mu khongotela, vaku: Mu fambise; hakuva wa hi kulumela.

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Johani 11:22

Kanilezi nza zi tiva ni zalezi, lezaku ni zihi lezi u ta nga zi kombela ka Nungungulu, Nungungulu i ta ku nyika zona. Xip. 9:31

Johani 11:3

A vamakabye va lo rumela ka Jesu, vaku: Hosi, wangabye, loyi u mu ranzako wa babya.

1 Va le Korinte 9:5

A hi na fanelo hina ku fambafamba na hi hi ni sati loyi a nga mukholwa, a ku khwatsi hi vanwani vapostoli, ni vanakulobye va Hosi, na Kefasi ke? Mat. 8:14; 13:55; Mar. 6:3; Lu. 6:15; Gal. 1:19