Luka 12:20 - Tshwa Bible

²⁰ Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

Luka 12:20 교차 참조

Estere 5:11

Hamani i lo va hlawutela hi wunyingi ga titshomba takwe, ni kutala ka vana vakwe, ni lezi a hosi yi nga mu tlakusa ha zona yi mu veka hehla ka tihosana ni malanza ya hosi.

Joba 27:8

Hakuva ku kwihi kutsumba ka mukhohlisi kufeni kakwe, Laha Nungungulu a susako muhefemulo wakwe ke?

Tisimu 39:6

A munhu wa famba a ku fanana ni xiruti, A ti karata mahala; Wa hlengeletela, kanilezi a nga zi tivi lezaku zi ta giwa hi mani. Joba 8:9; 14:2; Mutsa. 2:18, 21

Tisimu 49:10

Hakuva wa wona a titlhari na tifa, A zipumbu ni zigwela zi lova zinwe, Va siya titshomba tabye ka vanwani. Mutsa. 2:16, 18; Jer. 17:11

Tisimu 73:19

Va lobyisisilwe kuyini hi xitshuketi! Vona vafa, va hetiswa hi kuchava.

Tisimu 78:30

Kanilezi va wa nga eneliswangi kunaveleni kabye, A zakuga na za hi lomu milonwini yabye,

Mavingu 10:2

A titshomba ta kubiha a ti vuni nchumu; anilezi a kululama ku tlhatlhisa kufeni.

Mavingu 11:4

A wukosi a gi vuni nchumu sikwini ga zanga; anilezi a kululama ka tlhatlhisa kufeni.

Mavingu 13:7

I kona loyi a ti fumisako na a nga hi na nchumu; kona loyi a ti mahako xisiwana kasi i fumile.

Mavingu 27:1

U nga ti kukumuxi wutsumbu ga wena ha manziko, akuva a ku zi tivi lezi a siku gi ta nga zi neha. Jak. 4:13

Mavingu 28:8

Loyi a anzisako a tshomba yakwe hi bhinzu gi bihileko, yi hlengeletelela loyi a hawukelako Zisiwana.

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Amosi 6:13

Nwina lava mu tsakelako za hava, muku: A hi ntamu wa hina wutsumbu lowu hi nga hlula ha wona ke? 1 Tih. 22:11; Mik. 4:13

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Luka 11:40

Zipumbu nzi nwina, loyi a nga maha za lahandle, a nga mahangi za lomo nzeni ke?

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

1 Timote 6:7

A hi tangi na nchumu laha misaveni, zi te dlunya lezaku a hi zi koti ku teka nchumu loku hi suka ka yona. Joba 1:21; Mutsa. 5:15

Jakobe 4:14

kasi lezo a mu zi tivi za manziko. Xini a wutomi ga nwina ke? Hakuva nwina mu hunguva, leyi yi wonekako xikhatanyana, yi nyamalala. Joba 7:7; Tis. 102:3