Luka 1:35 - Tshwa Bible

³⁵ A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Luka 1:35 교차 참조

Joba 14:4

Himani a nga humesako a xilo xo basa hi ka xilo xi nga basangiko ke? Ge hambu ni munwe.

Joba 15:16

I ta tsumbisa kuyini a munhu wa kubiha ko hunzeleta, Loyi a nwako kuonha kukotisa a mati?

Joba 25:4

A munhu a nga lulamisa kuyini mahlweni ka Nungungulu? Ni munhu a belekilweko hi wasati a nga basisa kuyini?

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Tisimu 51:5

Languta, nzi belekelwe kubiheni, Mamani i xurile nyimba lahasi ka xionho. Gen. 8:21; Joh. 3:6

Mateu 1:18

Makunu a kubelekiwa ka Jesu Kristu ku mahisile lezi: Laha a nyine wakwe Maria a nga wa wutilwe hi Josefa, hi mahlweni na va nga se ku tlhangana i lo xura nyimba hi Moya wa ku Basa. Lu. 1:27

Mateu 1:20

Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35

Mateu 14:33

Ni lava va nga hi lomu ngalaveni va lo mu khizamela, vaku: Hizinene u Nʼwana wa Nungungulu. Tis. 2:7; Lo. 4:41; Rom. 1:4

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 4:3

Zonake a muringi i lota, a taku ka yena: Loku wena u hi Nʼwana wa Nungungulu, laya a maribye lawa lezaku ma maha zibaba.

Marku 1:1

A kusangula ka ivangeli ya Jesu Kristu, a Nʼwana wa Nungungulu. Mat. 14:33; Lu. 1:35; Joh. 1:34

Marku 1:24

aku: I mhaka muni hi nga nayo na wena, wena Jesu wa le Nazareta; u tele ku ta hi lovisa ke? Nza ku tiva lezaku hi wena mani, u Loyi wa kubasa wa Nungungulu. Mat. 8:29

Luka 1:27

ka nhwana a wutilweko hi wanuna loyi a vito gakwe a nga Josefa, wa yindlu ya Davida; a vito ga nhwana i wahi Maria. Mat. 1:18; Xip. 2:4, 5

Luka 1:34

Maria aku ngalo ka ngelosi: Zi ta mahisa kuyini lezo, lezi nzi nga tiviko wanuna?

Luka 1:36

Languta, a xaka ga wena Elizabeti, yenawu i xure nyimba ya nisanyana wukhosaneni gakwe; leyi hi hweti ya wuntlhanu ni yinwe ka yena loyi va ngaku i ngonwa.

Johani 1:34

Nzi zi wonile, nza maha wukustumunyu lezaku loyi i Nʼwana wa Nungungulu.

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Mitiro 8:36

Kota lezi va nga ha longoloka ni ndlela, va lo chikela laha ku nga ni mati. A nduna yi te ngalo; A mati hi lawa; xana nzi beletelwa hi yini ku bapatizwa?

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Va le Efesusi 2:3

Hina hontlhe hi wa kari hi famba zinwe navo a kunaveleni ka nyama ya hina, hi maha a kuranza ka nyama ni ka maalakanyo; hi mahanyela ya hina hi wa hi vanana va khulo khwatsi hi vanwani. Tis. 51:5; Gal. 5:16; Tit. 3:3

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21